Walther von der Vogelweide - Ich hôrte diu wazzer diezen lyrics

Ich hôrte ein wazzer diezen und sach die vische fliezen; ich sach swaz in der welte was, welt valt loup rôr unde gras. swaz kriuchet unde fliuget und bein zer erde biuget, daz sach ich, unde sage iu daz: der keinez lebet âne haz. daz wilt und daz gewürme die strîtent starke stürme, sam tuont die vogele under in, wan daz si habent einen sin: si dûhten sich ze nihte, si enschüefen starc gerihte. si kiesent künege unde reht, si setzent hêrren unde kneht. sô wê dir, tiuschiu zunge, wie stât dîn ordenunge! daz nû diu mugge ir künec hât, und daz dîn êre alsô zergât. bekêrâ dich, bekêre! die cirkel sint ze hêre, die armen künege dringent dich: Philippe setze en weisen ûf, und heiz si treten hinder sich.