Waheb Double Kanon - Mabda houa el mabda lyrics

[المقطع الأول] ما رحتش لفرونسا باه نتلونصا بالراب لا ما رحتش نجري كيف هذوك لعباد عالعقاب لا تجيكم عجب كي تشوفو واحد صايي قطع لعجب فيكم نتوما و علاه لي والا يقطّع؟ عندهم قيمة حتى لتمّى Droits d'l'homme مام الضعيف كي يروح لتمّى عندو كلمة المكتوب اداني لبعيد و ربي جامي نساني الرزق بيدّو سبحانو جامي خلّاني مسلّح بدعاوي الخير تاع الوالدين عمبالي جامي نتيه مام نروح لاشين هذي أرض ترضى عليك كي تشوفك تسعى علاديكا مولاها تلاقات ؟؟؟ واسعة ما تشوكيتش بالعين الزرقة و العباد الغافلة ماشني حاب نخرج بنتيجة خاسرة المبدأ هو المبدأ كيما كنت عايش في بلادي القدر ديما عالي عند الناس ديما غالي [اللازمة] المبدأ هو المبدأ جامي نبدّل هذي هي حياتي لخر كيما لوَّلْ ان شاء الله ربّي سبحانو رايح يسترني من شياطين الإنس و الجن لي تغرني [المقطع الثاني] قدّاه مرة تصرا تما دارت مستقبل قبل ما تتخلّط الدعوة كي كانت تقبل ليسونسيال راهي غربة ماشي تاع الناس الكل وعلاه تحبّو تروحو الكل باش تعيشو في الذل لي ماشو قادر على شقاه بلادو لي خير خاطاك لا تروح تما ما عندك ما دير نحير و نحير فواحد حاذ في فرونسا جنّة ضربك لهبال و لّا سكنتك؟ ما نقولكش نعلبو الفيزا، هذا كذّاب يحسب في الناس دواب كي يقول بلادي عزيزة قدّاش من دوصي في الكونسيلا و مازال يحاول يحقد عالناس، القلب كحال و تحوّل ملّول، حاب نفهّم بلّي الزلقة بفلقة راسك في الغربة كيما راسك كي يكون في الفينقا تكومباطي كيما محمد علي كاسيوس كلاي في الرينغا كيفكا حاب نفهّم منهم صحيبي بادينغا عباد باعت، تفركت خبزة طايبة ماشني حايبك تروح تلقاها خايبة وهاب ينصح، و يزيد يفصح …كي تطلع الفوق ان شاء الله ان شاء الله [اللازمة] المبدأ هو المبدأ جامي نبدّل هذي هي حياتي لخر كيما لوَّلْ ان شاء الله ربّي سبحانو رايح يسترني من شياطين الإنس و الجن لي تغرني [المقطع الثالث] ما نعول على حتى واحد غير ذراعي ذراعي ما نشرب من كاس غير لكان يكون تاعي كيف هكا كي عرفت صلاحي قلت نمشي في حياتي كي ولّاو الكل حنوشة بالسم سم الأفاعي نقدّم للقدام نقصد لحلال لحرام عليه نصد و نسد ناس كي تتقاس تفيق تولّي تيفيتي ناس كي تتقاس تزيد تولّي تيميتي Convertis à l'islam ناس بزّاف الشيطان ولّاو des fans ناس بزّاف أكبر جهاد : جهاد النفس تفكّر قبل ما يتقطع عليك النفس و نزيد نسربي، رب العربي واو.ها.ألف.با واش كان في قلبي الغربة ما نكملش حياتي لتم ربّي هو العالم نحب بلادي في الدم [اللازمة] المبدأ هو المبدأ جامي نبدّل هذي هي حياتي لخر كيما لوَّلْ ان شاء الله ربّي سبحانو رايح يسترني من شياطين الإنس و الجن لي تغرني