South Side Production - #LCC (Le Combat Continue) lyrics

[الدخلة] يااه دزرت بويز ساوث سايد برود لو كومبا كونتيني تشيك ايت [Ahmedbsk : المقطع الأول] لي زعما كانو شواكر فالسيستام ا لا فان ظهروا قاع دي تراتر نديفوندي على حقي لي ضاع، منيش نهدر على حب الوطن على حساب واش راني نشوف، نتوما قاع ماكمش حاسبيني مواطن مدام انا ولي كيفي كي الحيوان عايشين في قواطين خليني نقولك واش صاري، من اللول راني معاك صريح معليش لكان نبقى نقارع، سيستامكم من بكري قاريه بانو لي ديفو نبدا نشارجي نمانوفري ونتيري هاااي!! جاك شوك في صون فروم قصر لمرابطين سيري شبعونا خرشف وخرطي، لكدب لالا انا ما نسيبورطيش علابالكم بلي راكو غالطين، ولي عندو البوفوار ما يراطيش هداك الواطي، وجماعتو مورطين مورا ما رشاو القاضي، لبلاد ولات بورديل تحوس ع الصح يعطوك القصة لا راك حاب تعرف واش صار انديبونونس في ظلام الليل، دزاير مزال ما طلعش النهار حق مكاش لا بترول لا غاز ني خدمة ني دار ني ايسبوار الله يرحمك يا دزاير، كلحونا مام ف ليستوار [Ahmedbsk & Adoula : اللازمة](x2) ما تقولوش ما علابالناش واش صاري (x3) لبلاد رايحة ديكلاري الشبيبة ح ديماري [Ahmedbsk : المقطع الثاني] حبة من بيت النار...اسمع الراب لفري في راس المسؤول.... لي راهو يجيري كلاصسيتوني بوندي، والهدرة انتردي سباب عدابي نتوما وسنين حياتي لي بيرديت نتوما لي ديتو كلش بينما ولد الشعب يطايش ولدك عايش مليح وانا ولدي مليح كي راهو عايش نتوما اليز... سواردكم في لاسويس وأنا نغلط نهدر لاز ديركت يهزوني لابوليس عشر سنين قير سيفيل بلادنا ولات سينما منيش عما منيش حمار كرهنا بلادنا يونامار الشبيبة حالفة تكيتي والله ما تقعدش هنا مام لكان عندو الشكارة ما يحكمنيش انيمال كريمينال حاب يكلاصيني، والدولة منغولة حابة تباصيني راني ديميسيوني من هاد لبلاد سي بون يزيني حبوني نقول واش داني، نغني صامدون على وزن موطني حبوني نقول، واش داني نغني صامدون على وزن موطني [Ahmedbsk & Adoula : اللازمة](x2) ما تقولوش ما علابالناش واش صاري (x3) لبلاد رايحة ديكلاري الشبيبة ح ديماري [Adoula : المقطع الثالث] بلادي كي راهي تبانلي، باطوار فايح مكاش لي فيها مهني وين ما ندور وين ما نروح مشكل في رأسي مزالو يغني فقير يعاني، شباب يحلم يجهر لبلاد براني مسؤول يسرق فالشعب كوف روحو ماشي بالعاني عشقوا الفاني، دعارة دروغ قالو الشيطان غواني كل ما نسيي نكسر هاد السكات حبوا يقطعولي لساني بوبيلاسيو واحد ما هاني ما نحبش نهدر لمعاني كي كتر السكات لعيون بكات كلها لاتي بالفاني قل لي شكون، قل لي كيف، قسموا لبلاد كيف باي كيف هوما كالوا وإحنا والو أيامي عايشها بالسيف الحمد لله على الوالدين ولي برانسيب نتاع الدين سي نو الواحد يرفد كلاش يبدا يخلص الدين ما تقولوش ما فهمناش واش صاري يا الظالم كاينة آري حشموا ربي يهديكم سي بون لاقير ديجا ديكلاري الشبيبة ح ديماري طلبوا ربي ينجيكم [Ahmedbsk & Adoula : اللازمة](x2) ما تقولوش ما علابالناش واش صاري (x3) لبلاد رايحة ديكلاري الشبيبة ح ديماري [الخرجة] ياه دزرت بويز جامي تشريو سكاتي لو كومبا كونتيني ساوث سايد