Razor Records - Mene Mene/مني مني lyrics

[Intro: 'Friday the 13th' sample] I told the others, they didn't believe me You're all doomed. You're all doomed [Verse 1: Mad Stone] لا تسأل كيف لا علاش لا تسأل شني لا تسأل كيف لا علاش لا تسأل شني اسأل، من اللي انهب اسأل، من اللي اخنب اسأل، من اللي اكذب من اللي علي الموجة اركب من هو اللي كلامه ينبت من هو اللي حطب من هو اللي وقف و قدم من هو اللي هرب اسأل من هو اللي يحكم، من هي الحكومة لما المظلوم يولي يظلم من هو اللي نلومه اسأل من هو القانون، من هو اللي طبّقه أعرف من المقتول و من هو اللي طلق الطلقة باعوها في صفقة، و اسأل من هو اللي شراها يقولوا فلوسنا رجعت، اسأل من هو اللي خداها من هو اللي اعطاها و من هو اللي في جيبه دس من هو اللي باع ضميره علي كمشة ملايين رقص هرب و دار الفص من هو اللي انحبس من هو اللي فهم كلامي، و من اللي ركبه الخنس سؤال واحد بس مني مني مني لما تقولولي مني، نعرف كيف علاش و شني [Hook]x4 لا تسأل كيف لا علاش لا تسأل شني Yo اسأل مني، مني مني مني مني مني [Verse 2: Basuony] اسأل من هو اللي يفتي و متّلي دوار شيوخ و من اللي قاعد يقضي بفلوس الشعب يبخ و من اللي باع النفط منغير عدّاد الضخ و من اللي، اشعل الفتنة مابين الخو و الأخ و من فيهم عميل، للماسونية يميل و من اللي يحب بلاده و من اللي يدعم في اسرائيل و اسأل من هو المرتاح و من اللي يخدم طول الليل خلّى الدم يسيل YO واللي، ولّع الفتيل و اسأل من هو اللي يحرك و قاعد رايق مرتاح و من اللي عوّل علي الفساد و من اللي عوّل علي الإصلاح و من اللي قعد في السبطانة، ومن اللي امنع، اكتح و قالوا حي على الجهاد و نسوا حي على الفلاح و اسأل من اللي في الفخ طاح و ضحكوا عليه و اسأل من اللي زبط النعتة، و من اللي قاعد يجروا بيه و اسأل مني مني مني و توا خودها منّي كانك اعرفت مني، بتزبط كيف وعلاش و شني [Hook]x4 لا تسأل كيف لا علاش لا تسأل شني Yo اسأل مني، مني مني مني مني مني [Verse 3: Philosopher] اسأل هذا من حقّك، لا تخاف إلا من ربّك قول شني عندك فكونا دسكة نواصي اطبّك اسأل من هو اللي شدّك اسأل من هو اللي عذبك اسأل من هو اللي عادي بالرخيص اليوم يبدلك اسأل قداش تخدم وزارة و اسأل و اعرف مع مني يخدم كارة و اسأل علي حال الشارع و اسأل علي الدعارة و اسأل علي الوساخة و القذارة و اسأل علاش في بلادي ديما فاشلة الإدارة اسأل من هو القاتل، من هو المقتول من هو الآجر، من هو المأجور و اسأل من هو اللي غايب، من اللي مسجل حضور و اسأل من اللي يحب بلاده، من اللي يحب المقبور من هو المستور، من هو المتعري من هو اللي يقرا، من هو اللي يقرّي من هو اللي يدس، من هو اللي يوري من اللي يجري طول حياته، من هو اللي يجري من هو الحاكم، من هو المحكوم من هو الظالم، من هو المظلوم بنّكثروا العيون، بنديروا عليكم زووم باش نعرفوا اليوم مني و كيف وعلاش و شني [Hook]x4 لا تسأل كيف لا علاش لا تسأل شني Yo اسأل مني، مني مني مني مني مني