Preeti bhatt - Ek din lyrics

ek din har bandishein toot jayengi, paabandiyan bhi mere aage sir jhukaayengi, niklega meri zindagi ka nikharta savera, jisse hoga roshan mere man ka har ek kona, ab khwaabon me dikhti hai meri aazadi lete hue angdaayi, badi maasoom,khoobsoorat,sahmi lekin bahadur si lagti hai uski parchhayi, dekh kar use fir uthne ko jee karta hai, jab tak tukdon me naa bat jaaon tab tak ladne ko jee karta hai, anjaane me hi sahi par utpann hui ek himmat hai, ki mil sakti hai manjil gar mujhme usey paane ki woh shiddat hai, sirf soch se hi jaagi si ek ummeed hai lagta aisa ki in andheron me bhi mishrit kahi jeet ka sangit hai, ab dheere-dheere ruke kadam khud ko badhaane lage hai, jise dekh bandishein aur pabandiyan apna sir jhukaane lage hai, pehle dar aur khamoshi ban gaye the meri parchchayin, ab meri awaaz aur hosley unse jeet gaye hai ladayi, inke aagman se khil utha meere man ka aangan, mehka aur nikhra hua sa lagta hai sapnon ka daaman, ab sirf chalna hai aage bina kahin ruke , aiur ab yakeen hai ki mil jaayegi manzil bina kisi ke dar pe jhuke, ek din har...................................nikharta savera.