Mani Matter - Dr Noah lyrics

Lang ischs här da het mal eine öppis afa boue Öppis win e grosse Chaschte, d'Lüt wos sy cho gschoue Hei ne gfragt: "Was soll das gäh?" "Es Schiff!", het dise gseit Aber s'isch keis Meer gsy und kei See dert wyt und breit Und me begryfft da** d'Lüt hei gseit: "Däm Ma, däm spinnts!" Und si hei d'Chöpf ersch rächt gschüttlet wo das Schiff du speter Het e Lengi übercho gha vo Drühundert Meter Füfzig Meter Breiti dryssig Höchi und du no Sytlech i dr Wand e grosse Türe dry isch cho Und me begryfft da** d'Lüt hei gseit: "Däm Ma, däm spinnts!" Und si hei ne gseh i ds Schiff näh Loien und Giraffe Nachtigalle, Zebra, Elefante, Söi und Affe Schlange, Chüe, Rhinozeros, Gazälle, Dromedar Känguruh und Kolibri – vo allem geng es Paar Und me begryfft da** d'Lüt hei gseit: "Däm Ma, däm spinnts!" Und wo d'Tier sy drinn gsy isch är salber du mit syne SÖhn und syre Frou und syne Schwigertöchter yne D'Lüt hei sech versammlet und gholeiet ussedra Won er hinder sich die grossi Türe zue het ta Und me begryfft da** d'Lüt hei gseit: "Däm Ma, däm spinnts!" Aber druf hets afa rägne; wi no nie uf Ärde Langsam het me d'Fluet gseh stygen und geng höcher wärde Einisch het dr Ma no ghöre brüele: "Löht üs dry!" Aber gly druf isch zäntume Totestilli gsy