MALAM InTè - Mama lyrics

Malam Picco sa pinna chi'n su coro pro ti l'ammentàre mama Chi a fizu tuo no as dau custa boche debbadas Biazo pro tene in custa bida tribulada ca L'isco s'ifferru ch' as suffertu e cantas bortas ses rutta e cantas ti ses pesada Chentza cussa manu de azzudu chi cherjas e bisonzavat Fin annos de limbas malas Perdia in su male istare e cussas dies nigheddas Fattas de prantos a curriolu e disispèru Chi'n su disizu mannu de ti perdere in mesu ‘e su chelu e sas istellas Coment' un anzelu chi'n s'animu sinzeru Fertu in sas alas chi a bolare fit arresu Iscrettia dae paragulas prenas de aghera e isterriasa Chi a las intendere pariant dae su coro Ma de coro bin d'aiat duos ca su ‘e tres non fit sinzeru nono RIT LA MAGICIENNE Custa est pro tene Mama Pro tene Mama Custa este Pro tene Mama Est pro tene Mama MALAM No appas de timere betzesa non ses sola Tue ses sa menzus cosa chi appo in custa bida Su menzus donu de una bida chi no at dolu De chie at connottu in zoventude s'abbandonu Ti cherjo bene e min de boco chin piachere Ca est una lastima serrare cust' amore in intro ‘e mene No appo birgonza a ti l' ammittere soe un omine Gra**ias a tibe appo imparau a mi cumportàre M'as nau de currere e de non bi mi firmare Ca sos problemas arriban pro si c' andare Che sa notte a manzanu chitto Chentza mancu tin d' abbizare Cando su sole est' arbeschende So deo pessande a tibe cherjo illughinare Sas dies chi galu deppent arribbare in menzus Comente as fattu tue in custos annos chin mecus Custu est pro tene mama.. RIT LA MAGICIENNE Custa este Pro tene Mama Pro tene Mama Custa este Pro tene Mama Est pro tene Mama MALAM x3 Pro milli bortas chi ses rutta e milli chi ti ses pesàda Pro cada affranzu chi no as appiu in custa bida tribulàda Pro tottu su chi nos as dau e galu nos das Ca chentu fizos non pesant una mama RIT LA MAGICIENNE Custa este Pro tene Mama Pro tene Mama Custa este Pro tene Mama Est pro tene Mama