Machete Crew - Su pesu de sas curpas lyrics

[Verse 1: MOMAK] Su bentu survat ispinghete forte custa voche 
chi rimbomba a badde E arribbat in bidda 
in sedda de bandidos a cavabbu E pro cada irballu fattu in tempu colau battit cussizzos A chie comente a mimme at sa cara prena e sinzos No fugo dae sos pessamentos ma bi ponzo una ruche Ca iffora est una notte iscura e deo chirco sa luche In intro una bisione comente chi siet una presone Cubada in carchi locu de sa mente sa resone [Verse 2: KINGAIE'] Azzocchiat in sas intrannas che s'ocrada mea rifressa In cudd'ispriccu inube s'anima sas timorias cuffessat Non b'at locu a mi cubare dae su pesu e su trumentu Chi non mi data pasu che s'anneu e su pentimentu Perdiu appo su contu de sas bortas chi appo irballau Dande ascurtu a tottu cussu chi su diaulu m'hat cussizzau Soe impresonau in cust'angrone irmenticau Inube chirco de serrare sos contos chin su pa**au [Verse 3: MOMAK] Cale est sa janna zusta de aperrere galu non l'isco Sa conca prena de malas ideas ma deo no b'isto Appo piccau caminos chi no battian in neddube Appo imparau a mi difendere dae chi prus de mene iscude Istringo sa manu pompiande sa zente in sos ocros C'a un ommine est in pache petzi si at serrau sos contos No pedo iscontos a su destinu et mancu a deu C'a isco pedire iscusa et isco abbarrare in locu meu [Verse 4: KINGAIE'] Die pro die trazzo sa ruche chenze mi pranghere issupra In custu caminu predosu mi che peso a cada rutta Appo imparau a abbarrare a largu dae cussas umbras cubadas C'a sunu de sos infames chi ti isparana dae palas Sunu dies malas cussas chi sun colande como Iffora b'hat iscumbilliu, menzus abbarrare in domo Troppu contos in suspesu, troppu nodos mai sortos E la**o chi custos corvos si bochene sos ocros [Rit.x 2] Focu Focu! Semus naschios male fadaos Focu Focu! Dae sos dimonios trumentaos Focu Focu! Prenos de tirria e de belenu Focu Focu! Futtios in prenu! [Verse 5: MOMAK] Abbolottau dae custu locu bibo pippo et facco a malu Ziro in sos pejos in tzilleri e che ghiro chi'n bette iscravu craru Mama cheriat un attera vida pro mene E mancari no siet c*ntenta isco chi mi cheret bene Su pesu de sas curpas mi che ponet a pessare Cando abbortules in su lettu no bi la facco a pasare La**aemi istare in custu ammuttu abbarro ischidu Ca est su balore de unu menhir chi m'at sarva e mantene vivu! [Verse 6: KINGAIE'] Rezidibu cando affoco su dolu in d'una attera ta**a E tottu notte abbarro a ziru in cumpannia de malas tra**as Sa bida no m'hat c*ntzessu su donu de isseperare In custu locu o gherras o ti faches catticare Non ti isettes chi zert'omines chene cussentzia cambiene C'a su binu chi bivent est ammesturau a su sambene E chie iffundet sa propria bucca in cudda cuppa At sa cussentzia brutta, tuttada dae sas curpas [Verse 7: MOMAK] Cundannau a sa furca no mi la facco issutta che mischinu Ne so! sempes issiu puliu dae cada casinu Abbortas appo falliu et in buzzacca no juco sisinu Ma so! su primu a narrere chi si podet cambiare caminu Bastat a bi credere deo no so tipu chi s' arrimat So semper in gherra e so in pache petzi chi'n sas rimas Mi toccat de brigare mancari no siet unu bantu Ma no bi la do vinta a chie mi cheret in campu santu! [Verse 8: KINGAIE'] C'a bendo cara sa pedde e non falo a su primu corfu Pro non dare c*ntentu a sa zente chi mi cheret mortu Ghetto in corpu un'attera ingurtia de fele Irbotto e picco a irroccos custu meu fadu crudele Chi mi cheret ponnere sempere contra a tottu e tottu contra Cada muru chi peso sa bida mi che l'isconza Bisonza de si facher istrada in cada mamentu In mezu a cust'ifferru chi brusiat a focu lentu! [Rit.x 2] Focu Focu! Semus naschios male fadaos Focu Focu! Dae sos dimonios trumentaos Focu Focu! Prenos de tirria e de belenu Focu Focu! Futtios in prenu!