m**m - Yemma ( يما ) lyrics

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا [الدخلة] يما ، اليومة زعمت و كتبت عليك عارف بلي ما نقدرشي نعبر على كل ما في قلبي من جيهتك كيف ما كان الحال زعمت و كتبتلك هاذ الغنية ليك و للناس لي شجعوني نكتب عليك بيس اند لوف [المقطع الاول] يلي بقيت فكرشك عايش 9 شهور يلي باش تحلي يامي شحال شربتي المر يلي رسمتي على وجهي الضحكة ملي بكيت مقهور يلي كل ما ظلامت عليا الدنيا كنتي النور عليك نكتب سطور و سطور ، ولو مدادي بحور !! ما يكفى حيت كان باقي بكري ملي الوالد توفى بان طريق الشوك هزيتيني و زطمتي بالحفى تحديتي الزمان و العديان و الي يتشفى تقلتي الكفة وقفتيني ملي كنت موقد بالواقفة حررتيني ملي كنت موقد نمشي حر و بقيت نمشي و ندور و تقولي كمل و نزيد نمشي و ندور و فيك نتأمل سبحان الي جعلك يما إذا جيت نعطيك وصف ، وصفك عمرو تسمى إذا جيت نعبر نلخلاص عجزي فالكلمة "جزيل الشكر لأعظم مرأة فالكون : "يما [اللازمة] (X2) يما عليك نكتب السطور بدموعي كلمة الريح يهب و يطفي شموعي يما سمحلي حيت عاد صحيت اليومة سمحلي حيت عاد وليت [المقطع الثاني] اليومة 6 ولفاين 25 سنة مشيت فطريق ماشي فحالي لي كنتي تتمنى دعيتيلي بالتوفيق باش قدرت نوصل هنا خليتيني نحقق حلمي و حلمك يتسنى حلمي حلمتو نراسي حلمك نبني ساسي حلمي باغي نكون حلمك باغياني نكون قبل ما يفرفنا مول الكون و الساعة شكون شكون يتمنالي ، شكون يسهر الليالي يتسنى رجوعي اليومة نقلك اسمحلي و على خذي تجري دموعي قلبي طير بين ضلوعي عليك يغني سمحلي حيت مشيت مع الزنقة و فني سمحلي حيت ما قدرتشي نكون كيف قلبك متمني سمحلي حيت عاد صحيت سمحلي حيت مشيت و اليومة وليت و معايا ساس الحلم ، حلمك و حلم أي أم حيت الأم كلمة ساهلة غير بالفم [اللازمة] (X2) [المقطع الثالث] خلي راسك مرفوع حيت ولدك جايب العز مسلم كلمة قلوب الدراري بيها تهز جريت فدم الدراري و الدراري جراو فدمي ميم سين لام ميم ، و العالم يعقل اسمي وليت محبوب فالقلوب وليت متبوع مطلوب ناس باغييني نكمل و ناس باغييني نتوب ناس شايفين فني فن و ناس شايفينو ذنوب ناس تفتش على الصح و ناس تفتش على لعيوب بغاو يفهموا حياتي حلوا كل سطر مكتوب فهموا لي قدروا يفهموا زادوا من عندهم كذوب و ما يهمنيش ا يما حيت الي فهموني كتروا و ما تبكيش ا يما إذا عدياني غدروا حيت عارفيني راجل و فوجهي قاع ما قدروا !! مسلم الهيبة فحياتو والا فقبرو [اللازمة] (X2) [الخرجة] احترامي لأي أم باقة فالحياة ولا توفات حيت مجرد أنها أم يعني بكات يعني شكات يعني ضحات و أي واحد بقالو الوالدة راه عندو كنز تحت قدم الجنة يعني كون سبع و حذا يماك غير اركع يو