Lotfi Double Kanon - La Lakamora 2 lyrics

[المقطع الأول] واحد ما منع ، و الناس الكل تقاست L'extrême est أبداها من الشرق من عنابة كلش آو حابس حتّى الكوميرس آو مور مالقري السلعة تخش بالكونتونير من البور يجيبها ولد فلام من الطاليان و ليسباني و لا كان عالغرامة يخلصها فوق طابلة بالشومباني Budget بلاد الشرق ما عطاولهمش السوارد لي كانوا داروا بيهم مقام في ألجي قالمة بلاد الشهداء من الشوماج اي شاحت جابت الرجال بومدين واحد شاهد و علاه كي تخرج من لافيل و تفوت تشوف دراري صغار بـ لي كارطابل في لوطوروت يديرو في السطوب باش يروحوا يقراو خاطاك الجامع تاعهم بعيد بـ 5 كلم عـ الدار هاذاوكا زواولة حياتهم راهي مرّة هذا مشو مكتوب هذايا حكم لاكامورا [اللازمة] لاكامـورا تكـونترولي الغبــرة و البِيـرة البوفوار و القيرة ، الشراب زيد الشيرة لاكامورا تكونترولي كلش ، تحكم في كلش ، تخدم في كلش في كلش Bien قولي في هاذ البلاد شكون لي عايش Parrain غمضوا عينيكم و فوطيو الكل عالـ سينون يجيك ، يهزّك و يدّيك و شكون لي يدوروا بيك لا مافيا بوليتيك [المقطع الثاني] تروح لقسنطينة بلاد قنطرة لحبال واين رحبة الجمال الديقوطاج قتل لي جون واحد الوقت نشفى الناس كانت تقول "لا كابيطال تاع الشرق رايحة تولّي كابول" الرصاص يعيّط و التفلاق كيما الرعد Les combats, les dégâts w les embuscades في التيلي ما هدروش ما عليش حنا والفنا ألفين و خمس مئة سيرتا ما زالت واقفة تعدّي لـ جيروس لي يعيطولها القل الشعب او مبلوكي و لوفونير تقفل القراية ماتت ما بقاش ايسبوار في الليسي مام لي يدير النصبة راح يسوفري غير من السيزي كيما كا بورتوجور La loi est la loi القانون فوق الجميع و الجميع يموت من الجوع غير هوما قولي شكون لي ديسيدا باش الناس تسوفري في سوق أهراس ، سطيف و سكيكدة [اللازمة] [المقطع الثالث] حاب تسمع العجب آي جايتك الحكاية و علاه عين البيضة لليوم ماشها ولاية؟ أفير كبيرة عليا نهدرها بالدمّا لكان نموت الشاوية يقولوا "لطفي عندو كلمة" نروحو للسونتر بليدة ماشها لاباس بيها لي بومب حبسوا بصح الشوماج يريّب فيها مام في الجي ما بقاش بروبلام تاع كلاش بصّح الشعب ما زال محقور في باب الواد و الحرّاش نروحو للغرب لتمّا تلقى وهران لي جون عقلية وحدة لي والا حايب يهرب الطريق مبلوكية ، الحدود الكل مقفولة باش تقطع كون مهنّي مد الفرنك للفحولة قيس عدّي ، روح لمغنية و عبّي كي ترجع جيب السلعة و فرّق سربي سربي ما تخافش هنا ام كاين لي يعسّوا عليك كلش بين يدين لا مافيا بوليتيك [اللازمة] [المقطع الرابع] بارتو تشوف لهنا ولاد الشعب كارهين ولاد الشعب مكروهين ، محروقين و محقورين بارتو وين تروح تلقاهم حابين يروحو خاطاك في هاذ البلاد خاوتهم قاعدين يطيحوا تروح للمدية ـ طارف ـ ميلة ـ جلفة ـ جيجل ـ سطيف ـ سعيدة ـ سكيكدة ـ مسيلة ـ معسكر ـ ورقلة ـ وهران ـ أدرار ـ الشلف ـ الاغواط زيد باتنة ـ بجاية ـ بسكرة ـ تبسة ـ بليدة ـ البويرة ـ البيض ـ الواد ـ البرج ـ إليزي ـ خنشلة غرداية و كاروبار ، بالعرب بالبربار كرهوا من العذاب كرهوا من الظلم و من الحقرة لي فهاذ البلاد لي عندو هنا يعيش لي ما عندوش راح يكروفي ما كانش بلاصة للزواولة لي كيفك و كيفي كون نكمّل ما نحبسش آك عمبالك أني ما زلت باش نحكيلك عالحقرة في النعامة ـ العلمة و تلمسان تروح لتندوف الناس ماش لاباس لا سوفرونس بارتو من تمنراست لبلعبّاس