Lotfi Double Kanon - Bladi ghalia lyrics

[المقطع الأول] Meli dina listi9lal golna c'est bon thanina Kharjat França li kanet bekri tektel fina Ch7al t3adab cha3b fi Serkaji Listi9lal makan sahl la makanch saji Malgré bel7riga 7argouna l7arbia Ba3ouna zefafa wlad frança lgoumia Mala ro7o m3aha ta3tikoum carte séjour Ana manensach jou3 w la gréve des 7 jours Meme la liste des 22 f la mémoire Mlioun wna** chahid mara7ouch hakak ghbar 200 algériens taychouhom men le pont Katlouhom fi paris f l'epoque ta3 Maurice Papon Wa9t tawra semawna El Fellaga 62 ch7al nadmou 3alhadra dika W3adou y3aytoulha l'Algérie la grande Kanat fi 70 l'espoir ta3 tiers monde Raseha kan lfoug w cha3b 3aych hani Khsara ra7 kolech men nhar mat elhewari Wjat ra**e ca**e w la course 3la lkourci Tcascadi bah tawsal wna** ghir tekrazi Ahfes a3fes asra9 ektol wadba7 Dakhal l7abs l'essentiel lazm terba7 Wyhij cha3b gdah men sna whoua sabr Khraj yreclami fi le 4 w 5 octobre Dlam w denia mdabba wrsas darba wna** harba Fi bla**a tro7 tedderga kima tchouf lmout mgarrba Wmalgré hada lkoul lblad mazalt 7aya W mazelt ana na7lam bah nhar nchoufha hania [اللازمة] Na7lam bi bladi kinchoufha hania Fi galbi bladi 9imatha ghalia [المقطع الثاني] Wmba3d tkhaltat wzid la3jab zad Kolech wla flou mli kharjou la7zab Chkoun liga3d ygoul sa7 chkoun liga3d yatmaskhar bina Chkoun li dana fel vide wchkoun li ga3d yal3ab bina Wchefna melb3id lmout ga3da dour Ra7o 7aloulha lbiban galoulhom azdmi f 2eme tour Wjat lfatwa wmen tema jat lfitna Wfrat 3ajal l'affaire hadia lguirra 3arfatna Chefna wlad cha3b felkfen mkeffna Khatak kayna na** galou l3bad hadia kafra W3raftha bili lakan nar tetcha3al Ray7a ta7rag wtlahab wmatji ghir fe cha3b Bdaha men boudiaf allah yar7mou mskin Kija y7asebhoum ak 3ambalek belma**ir Wzid Hasni w Cheb Aziz chafou lmouta Ch7al men journaliste wch7al men wa7d kima Benhamouda Wlad flan wflan harbou mhad leblad Wlad cha3b ahom fi la liste ta3 da7aya lirhab Fihom li7ayin wfihom li meytin Wfihom likatbouhom fi registre ta3 lmaf9oudin Allah ghaleb hnaya kayn 3bad Makra may7abouch lkhir lelblad 3adika mada bihom eddem yab9a yssil Bach ylemou drahem wswaredhom ghir tzid May3jabhoumch l7al kidzayr ra7 tethenna Ma3jabhoumch l7al ki ra2iss dar lhodna Houa dar lwi2am w la suite rahi jaya Anaya 9bal manmout n7ab nchouf bladi hania [اللازمة] Na7lam bi bladi kinchoufha hania Fi galbi bladi 9imatha ghalia