Linton Kwesi Johnson - Inglan Is a b**h lyrics

Inglan is a b**h Inglan is a b**h w'en mi jus' come to Landan toun mi use to work pan di andahgroun but workin' pan di andahgroun y'u don't get fi know your way aroun' Inglan is a b**h dere's no escapin it Inglan is a b**h dere's no runnin' whey fram it mi get a lickle jab in a big 'otell an' aftah a while, mi woz doin' quite well dem staat mi aaf as a dish-washah but w'en mi tek a stack, mi noh tun clackwatchah! Inglan is a b**h dere's no escapin it Inglan is a b**h noh baddah try fi hide fram it w'en em gi'you di lickle wage packit fus dem rab it wid dem big tax rackit y'u haffi struggle fi meek en's meet an' w'en y'u goh a y'u bed y'u jus' cant sleep Inglan is a b**h dere's no escapin it Inglan is a b**h fi true a noh lie mi a tell, a true mi use to work dig ditch w'en it cowl noh b**h mi did strang like a mule, but, bwoy, mi did fool den awftah a while mi jus' stap dhu ovahtime den aftah a while mi jus' phu dung mi tool Inglan is a b**h dere's no escapin it Inglan is a b**h y'u haffi know how fi suvvive in it well mi dhu day wok an' mi duh nite wok mi duh clean wok an' mi duh dutty wok dem seh dat black man is very lazy but it y'u si mi wok y'u woulda sey mi crazy Inglan is a b**h dere's no escapin it Inglan is a b**h y'u bettah face up to it dem have a lickle facktri up inna Brackly inna disya facktri all dem dhu is pack crackry fi di laas fifteen years dem get mi laybah now awftah fiteen years mi fall out a fayvah Inglan is a b**h dere's no escapin it Inglan is a b**h dere's no runnin' whey fram it mi know dem have work, work in abundant yet still, dem mek mi redundant now, at fifty-five mi gettin' quite ol' yet still, dem sen' mi fi goh draw dole Inglan is a b**h dere's no escapin it Inglan is a b**h is whey wi a goh dhu 'bout it?