KZ - 真我的風彩 lyrics

Verse1： 全世界　話我變態　古怪　有病 用佢地嘅一套　套落我度　叫我認命 我照鏡　見唔到一式一樣嘅面譜　我笑出聲 叫我唔好　咁做　咁做唔好嘈　我照出聲 當生命開始嘅一刻　死亡亦都倒數 邊一套　至係歪路　你地言之過早 每當我　放慢腳步　你哋話我自毀 我卻步　放聲哀號　就話我厭世 將自己嘅思維　加以節制 關於我嘅一切　一切　交由各位設計 你哋沉迷喺　最虛偽嘅行為 當我出現　當我狡辯 製造難題　世道難違 被逼放棄　自主嘅權利 腳踏原地　你哋認為咁樣係完美 我患上絕症　獨居喺絕嶺　仍然目不轉睛 用病壞　嘅眼界　審視世態　反而由濁轉清 人生路　我用我一套去跑完全程 每一步　你都覺得離經叛道　震怒全城 革命　未完成　你已經將我打回原形 Chorus: 全世界　話我變態　古怪　有病 全世界　話我變態　古怪　有病 全世界　變態　全世界　有病 全世界　變態　全世界　有病 Verse2: 你認為　我有病　我病危　快無命 心跳聲　都成為你話柄 我講你聽　你講我唔聽　因為我唔驚 反正　我病情　已經　唔輕 我吸嘅每口氣　充滿火藥味　苦澀刺鼻 每日　似懲罰　好比　處身戰地 你用大條道理　將我綁起 按道理講到尾　邊個係綁匪 我企　喺你隔嚟　講起死　你將我隔離 隔起　用道德　將我壓死 你哋自卑　仲自欺　用是非　嚟施肥 令到腦部　通通臃腫　癡肥 我異種　與眾不同　世人唔認同 佢哋嘅天空　唔需要一個貧窮　英雄 大家　只想做精蟲　怕進化 你哋話　我有病嘅定義　就係　每次 遇到不平事　最鐘意　用中指　嚟終止 將狗屁歪理　棄置　喺空置　嘅公廁 我打工　從來無假公　濟私 無將人當棋子　唔做思想控制　師 凡事　只需反智　反思　係患病標誌 咁樣都係病患嘅話　患病太容易　(太容易) 患病太容易 Chorus: 全世界　話我變態　古怪　有病 全世界　話我變態　古怪　有病 全世界　變態　全世界　有病 全世界　變態　全世界　有病