Troubas Kater - Funkuglitzer Schärbe lyrics

[Intro] Irgendwie verseit hie mis System und macht nid mit I gloube das mer morn am Morge stärbe Lige hingen im ne Bunker und ha irgendwie ke Bock U si verteile doofi lüchtorangschi Mäntle [Verse 1: QC] Jede Morge wirden i so gweckt Vo me Hörbuech wo bi mir im Player steckt Dert druffe redt e Typ über wi di Wäut vergheit Immer aui stärben oder d Wäut ungergeit I warten uf nes Zeiche dases ändlech e sowyt isch Bini ufem Wäg id Wäut gsehnis ender kritisch Ringsum färbe sech di Blätter langsam rot Gheien ufe Boden u sy morn am Morge tot Im Hingergrund glüeht der Horizont Wi geits äch däm wo itz grad dert hinge wohnt Au di Vorstellige bohre sech i Gring Irgendwie viu z'wyt inn, viu viu z'wyt inn I gloube nid ah das woni gloubt ha Und au di Sicherheitsgfüeu woni bbout ha Morn sy mer Huut u Fätze Irgendöbbis wott mer d Huut wägätze [Chorus] Aus geit hie kabu*t wines Glas Roten a der Wang Es macht mi mängisch e so truurig das mer stärbe (stärbe stärbe) Mach doch aues was du wosch mir heis ja glych nüm i der Hang I leg mi i di Funkuglitzer Schärbe [Verse 2: QC] Rede mer mau gschyder über di Oder vilech rede mer mau gschyder eifach nid Mir wird langsam sturm wüui d Druckwälle gspüre Es chunt e Meteor hinger graue Wulche vüre Irgendwie schauti mau ab Wünsch mer gueti Besserig, i haute mi nid dra Wärdet dir doch schöner, grösser, rycher u modärner Dir wärdet dranne stärbe, dir wärdet dranne stärbe Wärde dranne stärbe, färbe d Ärde rot wi Lava Plötzlech isch di ganzi Wäut e rise [?] Rett du mau di Arsch wüu i gloub i rette mine Mir trätten i ne Mine, liebi Lüt, trättet ine Isch der letscht Humpe Mann, vorem Untergang Usem Hampumaa wird e Humpumaa Es wird suure Räge rägne über d Äbene Mir si äuä nid di letschten Überläbende [Chorus] Aus geit hie kabu*t wines Glas Roten a der Wang Es macht mi mängisch e so truurig das mer stärbe (stärbe stärbe) Mach doch aues was du wosch mir heis ja glych nüm i der Hang I leg mi i di Funkuglitzer Schärbe Aus geit hie kabu*t u nes zerrinnt i üser Hang Wi sang und klanglos verschwindet üsi Ärde Mach doch aues was du wosch mir heis ja glych nüm i der Hang I legge mi zu dir und dänk a ds stärbe Aus geit hie kabu*t u nes zerrinnt i üser Hang Wi sang und klanglos verschwindet üsi Ärde Mach doch aues was du wosch mir heis ja glych nüm i der Hang I legge mi zu dir und dänk a ds stärbe Aus geit hie kabu*t wines Glas Roten a der Wang Es macht mi mängisch e so truurig das mer stärbe (stärbe stärbe) Mach doch aues was du wosch mir heis ja glych nüm i der Hang I leg mi i di Funkuglitzer Schärbe I stah vor me Krater mit paar Drogen i der Hang Im ne lüchtorangsche Mantu bringi Ärde Wieso wird mir ersch itz bewusst das aus woni ha gha I hätt äuä glych no glücklech chönne wärde