Traditional - Ka Huaka'i a Pele lyrics

Mai Kahiki mai ka wahine ‘o Pele, Mai ka ‘āina o Polapola, Mai ka pūnohu a Kāne, Mai ke ao lalapa i ka lani, mai ke ao ‘ōpua. Lapakū i Hawai'i ka wahine ‘o Pele. Kālai i kona wa'a, Honua-i-ākea, Kō wa'a, e Ka-moho-ali'i, holoa mai ka moku. Ua ‘oki, ua pa'a ka wa'a o ke akua, Kō wa'a o Kālai-honua-mea, Holo mai ke au. Hele a a'e a'e ‘o Pele-honua-mea, ‘A'e a'e kalani ‘ai punia mai ka moku. ‘A'e a'e kini o ke ‘kua. Iā wai ka uli, ka hope o ka wa'a, e nā hoa'li'i? Iā Pele-a-‘ehu, a Menehune. Ka ‘ia ka liu, ho'onoho ‘ia kau hoe iluna o ka wa'a ‘O Kū mā lāua ‘o Lono. Holo ai ka honua ‘āina kau i ho'olewa moku, ‘O Hi'i-aka no'eau he ‘kua, Hele a'e a kōmi i ka hale o Pele. E huahua'i i Kahiki, lapa uila e Pele, E hua'i, e hua'ina ho'i a.