TOX (Theory Of Existence) - El rissala / الرسالة lyrics

[المقطع الأول : الشيخ مليك] خلاصْ الراب ماتْ : قالوهالي شعال من خطرة و أنا مكمّل في هذي الطريق لا بغى تضيقْ عَيني ما بكاتْ ديما مْأمّن في لي نْديرْ و على الراب شعال نغير ديما هنا في 10 سنين و لاباز جامي لا رشات كلامي مكتوب بالدم و دمّي فيه الراب موسيقتنا كيما الدمعة تسيل فوق الخط واهْ شعال صعيب تكون فنان ، شعال صعيب تكون إنسان ، ما عليش الحال يبانْ و الراب la vie privée في الوسط ، بين الخدمة ، في الوسط ، بين الظلمة ، التساؤلات نخاف ما دامني راني نقدّمْ راني غير نزيد نشوف المزية الوالدين قالوا أقرى دير الباغاج تمنّيت نشوف الناس تفهم الميساج تفيق ما نتخبط في الليل à l'aise و يجيني النوم علابالي بلّي الحياة جامي كانت فاسيل بصّح خطرات نقول بالاك تستاهل خير [اللازمة : نايلي / الشيخ مليك] حبّيت نشوف كلامنا يلامس القلوب و العقولْ هذي رسالتنا أقروها و افهموا المضمونْ الكلام الراشي ما نسمعوه ما نحتاجوهْ و كلام القلب خويا نفهموه و نقدروهْ [المقطع الثاني : نايلي] راني جاي بالموسيقى و بكلامي نسلّمْ بالمعنى و الكلمة ، ياو راني جاي نعلّمْ بلّي حياتي ماشي غير فن ، ياو ماشي حلم و لي ما علابالوش ماعليش معايا يتعلّم ما نكذبوش على بعضنا ياو لازم تفوق الدنيا لي رانا فيها راي تدور كيما السوق كلش يتباع ، كلش يتشرى ، ياو حتّى الذوق حتّى الكلمة الطايحة و حتى اللحن المسروق و مبعّد يجي يقلك : الستيل تاعكم شكيلْ يا واحد الجاهل أرواح نقلك واش جاب النهار لليل أرواح تسمع خاطر القال خير من القيل لازم تفهم بلّي ما ناش زوج ياو رانا جيل بالاك اليوم الجمهور ما راهش معايا بصّح قلبي و عقلي في كلامي راهم عرايا أنا كل يوم قادر نشوف روحي في مرايا الضمير متهنّي و حبابي ياو راهم معايا داير ثقة كبيرة و إيمان في موسيقتي و اليوم راه معاك طوكس ياو خوك نايلي إلا راك فاهمْ نعرف بلّي راك تفهمني و إلا راك جاهل علابالي بعد خمس دقايق تدفني [اللازمة : نايلي / الشيخ مليك] [فاصل] خويا فيكس ، حبّيتْ نشوف كلامنا يلامس القلوب و العقولْ يا هاذي رسالتنا ، أقروها و افهموا المضمونْ علابالك بلّي الكلام الراشي ما نحتاجوه ما نسمعوهْ و كلام القلب خويا هو لي نفهموه و نقدروهْ [اللازمة : نايلي / الشيخ مليك]