Touffar - Min al-awwal - من الأول lyrics

[ناصر الدين] لما بدك تحكي بالناس الجوعانة جوع مرة قاتل اسرائيل لنصدق بدك رجوع في حرامية بتسترزق من الثورة وحرامية عالمعس تنطر دورها ثورة مين ياخي قل لي شو الموضوع نضال مع طقوم في كذب بالموضوع ياما ناس ماتوا طلعوا بزق من القبور ياما حقول انباعت يقبض حقها الناطور اصحاب الأرض هنن قتلوا الناطور ردوا الأرض خن قوا الخونة الي بالقبور باعوا لفلسطين عادوا أجروا الجولان بالتمويل الإسرائيلي عمروا لبنان هيروله حصان أبيض للوليد بن طلال واللي خانهن بتموز شريكن بالحلال جيش سعود بال”بحرين” نفسه بـ”بريتيل” سلم رقبة للمحتل أعلن القتال نصر الثورة يا بن عمي لما تكون ثورتين ثورة عالنظام لما الحرية يخنقها بعدا ثورة عاللي ناطر نصرا ليسرقها وببيروت الثوار طبعوا كراتين حولوا المسيرة استعراض وتهريج صار الأحد رحلة تصوير وتهييج حكن ياخي ولاقي نصن تحرية ونصن فوق مانن سمعانين ب”رومية” وبخافوا من الموت مانع اللي بتعني من حديد ايد فوق طاولة تحتا ايد عم بتفاوض تل أبيب طايلة والعروبة صارت جزمة يتمرجل فيها الكتاب اللي من كتر ما شدوا طقوا عروقهن عبغداد حسني مبارك لما انشال لبس بدلة عسكرية حط نجوم دعوس بنت خوفنا بالسلفية وتلفزيون الدولة متل الدولة حراميها وين ما كان عنده صفة ليوصفنا فيها عملاء وماسون صهيونية وجرادين مذيعة تقول الشهيد قتل الحسين [جعفر] بدي بطل طافر مرة ودبلوماسي كون انزل كل ليلة عالحمرا وفيها مرتي خون واجتمع بمثقفين لنسكر بالقهوة نتناقش كيف الإنسان ممكن يعمل ثروة أو أنه كيف بلبنان تعمل مناضل وتكون انت مش بالحزب مع العروبة بسورية وضد نظام الأسد مع ثورة شعب الحرية ومش مع بو لهب خايف بكرا يجي كلب يتحكم بالبلد والغول السفارة يفتح ويصيروا الشهداء اللي ضحوا بس مجرد عدد غابة يا بن عمي جامعة حكام العرب عإيدن هنن المسيح هلق عم ينصلب شرب من دم فلسطين كيف بيطالب بالحرية؟ قال انه هنن ثوار واصحاب القضية وهيدا اللي نهب ثورة مصر والثورة الليبية متله متل الحكم قبله متربع على عرش الحكم ملبق الكرافة عالطقم ومفكر حاله “ماو تسي تونغ” بالصين الشعبية معروف اللي عنده حكم بده يكترله حراس وينادي بديمقراطية وأديان وتعددية مفكر هادا فيك تشيله بالثورة السلمية؟ واللي هون بده الثورة بالخليج عينه عورة ناصب خيمة ب”ضهر الشير” وب”القطيف” بيزرع حورة اتأكد انه هودي بكرا عليهم جايي الدور واللي بالجرم المشهود ما بتفيده شهادة زور واللي عم بيقدم دم تارك اخوة وأب وأم ما طمع مرة بالجنة وما تخرج من ”قم” بده يسقط النظام ومن الله منصور [اللازمة x4] ما رح صالح إسرائيل حتى سقط النظام ضد إسرائيل والنظام كل نظام! ما بيستسلموا ال”طفار” حتى يقبعوا الحكام ضد إسرائيل والنظام كل نظام