Selpahi - Lo Mi Jufra lyrics

[Intro] Doi ro da poi pu denpa I la selpahi baho xruti [Hook] I ge lo mi jufra cu balmau lo me lo drata ku moi Gi lo mi jufra cu larcu jahe lo nu Ge lo mi jufra cu melmau lo me lo drata ku moi Gi lo mi jufra cu selzau vau kei ku vau vau [Verse 1] I mi pu pagre lo rictuha pe lo tsurotrohu tricu gehu E ba bo lo concoicno xamsi sei lo barda ku ditcu Fau lo nu no da mi sidju i mi lo ckape pu midju I kuhi mi zukte lo se nitcu I mi tohe riha nai Snada i liha dai gohi I krinu fa lo nu mi pilno lo mi blolotlohi I ei ko na tolmohi lo duhu Lo drata cu sihakro ca lo nu mi jbikla I mi vlalinkei ca lo nu mi sipna I je mi na rinpei ba lo nu mi do vimcu bo tadji tikpa I mi liha fincei soi crano i gidva Do tuha lo duhu lo duhu mi crerai na ku kei ku jitfa I cizra je cihizra sei mi jiha Cusku siha be ca lo nu mi viska Lo nu do lo sohu mei poi lojbo cu ciska I kuhi mi sanga je tohe muhi nai cisma [Hook] [Verse 2] I zeha lo nu lo drata ku jbodau zohu Mi se bahi finti lo jbomau ku I mi se frili fe tuha lo jbobau i kuhi Do naljmi lo duhu lo jbobau cu Mo kau i ko vau i uu nai ta do mrovau I uo nau puho gau mi mi lo lojbo ku procau I kihu bo mi tronau Gihe kakne lo ka minde lo so rau Mei ku lo ka cehu do spogau I no au da zohu da senpi tuha mi I do nau pu ke norsiha bo dukse I do xabju la jbogugde I bahe mi xabju lo jbojevysofkemsuzgugjehakeheborkemfaipaltrusihokehekemgubyseltru I do lo duhu dihu ma kau selsmu cu na djuno I do retsku lu xu pelxu lihu Kihu lo nu do selfihu I ie lo nu crebiho cu barda nunlihu I kuhi naltoi fa lo tolvri e do mihu [Hook] [Verse 3] I ro lo mi nunzuhe cu ro roi se manci I mi banli coha lo cerni gihe nalsti ca lo vanci I mi ca lo nu tolcanci Cu simlu lo ka palci I kuhi jehu mi na palci I lo jbovla mi nalci I lo do prosa cu kalci I lo remna mi salci I lo remna do salci nahi I lo ka jinga kei mi tcaci I mi simsa lo tarci Lo ka do ba no roi zvajbi I ko na se spaji i mihe la selpahi ku I do lo mabla ku ckaji I lo do fanmo cu lamji I kuhi bahe *mi* cu cimni jai ranji [Verse 4] I xu do nahe djuno fe lo duhu mi na simsa suho drata I mi brarai be lo ro bramaha I lo ni mi rafcre zohu: Ge do xamsi korbi klama bredi binxo zukte Gi mi xaskoiklabrebihozuhe I zo uhe selsku juho do I je mi bahe zengau lahe dihu I je ba bo faha lo me do moi ku mi sputu uhu Cuhi i mi guhu kulnu iu gi kusru Prenu i ie kehu bahe zengau lahe dihu puho I se gu mu curnu cu muvdu tu pu ku mu tubnu Gi tu sfubu nu vu ruhu gunro lo du be lo du I mulno tuho ka ju duhu cunso I mi virnu i juho Mi cusku zo uho i zuhu Nai mi fenki ia puho I puhu na pensi fe tuha lo menli si tuha lo menli ku luhu I lo mi ro da ku jboduhe jahe lo suhu Lo me mi moi cu nuho nai nonselsmu se u Lo zuho gau mi lo munje ku spofu I cahe spoja [Hook]