Rumpelstilz - D'Rosmarie Und I lyrics

S'het grägnet i de Bärge, mir hei ändlech chönne ga Es paar Fränkli une Schlafsack isch alls wo mer hei gha Mir sy eifach furt deheim mit Gitarre u Tambourin U scho gly symer z'Paris gsy im Neonliechterschyn. Zwe Nächt hei mer düregmacht, hei gfeschtet u glacht Eiffelturm am Morge, Quartier Latin bi Nacht. Später bimene Bistro im Gwüel vom Stadtverchehr Seit sie plötzlech zuemer: Chumm mit stöpple doch a z'Meer. E Laschtwage het üs mitgno u isch ohni Zwüschehalt Zu de Fischernetz im Süde wo d'Sunne füürig strahlt Hie symer verwilet bi Liebi u bi Wy Hei dr Tag vertröimt u gloubt, es wärd immer so sy. Mir hei gschmuuset u pfuuset stundelang am Strand Sy zäme blutt i z'Wa**er grennt, hei Muschle gsuecht im Sand Mir sy de wyter bis Spanie, e heisse Summer lang Es Lied uf de Lippe und es Härz voll Tatedrang. Irgendwo zwüsche Barcelona unem Felse vo Gibraltar Hamer spanischi Stiefel kouft, es wunderhübsches Paar I bi mitne gwanderet dür Sunne u dür Is Si hei immer zäme gha, i gäb se um kei Priis. D'Rosmarie isch mit mer zruggcho i üses brave Land Aber scho gly drufabe gö üsi Wäge usenand I hase sithär nümme gseh, i dänek chum meh dra Aber mängisch fallt mer wieder y was I lengscht vergässe ha. Es chunnt mer vor es syg erscht geschter gsy Wo sie und i no sy zäme gsy – d'Rosmarie und i.