Psalteria - Por que llorax lyrics

Porque llorax blanca niña. Porque llorax blanca flor Lloro por vos cavallero, que vos vax y me dexax. Me dexax niña y muchacha, chica y de poca edad. Tengo niños chiquiticos, lloran y demandan pan. Si demandan a su padre, que repuesta les vo a dar? metió la mano en el pecho, sien dovlones le fue a dar. Esto para que m'abasta, para vino o para pan? si esto no vos abasta, ya tienes d'onde tomar: Venderes viñas y campos, media parte de la sivdad. venderes viñas y campos de la parte de la mar. Vos asperares a los siete, si no, a los ocho vos cazas, tomares un mancevico que paresca tal y cual, que se vista las mis ropas sin sudar y sin manchar. Esto que sintiu su madre, Maldición le fue a echar. "Todas las naves del mundo, Vayan y bolten con paz. Y la nave del mi hijo, Vaya y no abolte jamás." Pasó tiempo e vino tiempo, Descariño le fue a dar. Asentada en la ventana, La que da para la mar. Vido venir navezica, Navegando por la mar. Así biva el Capitán, Que me diga la verdad. Si veriáx al mi hijo, Al mi hijo caronal? Ya lo vide a su hijo, Al su hijo caronal. Echado en aquellos campos, La tierra tenía por cama, Y el cielo por cuvierta. Tres buracos él tenía, Por el uno le entra el aire, Por el otro le entra el sol. Y por el mas chico de ellos, Le entra sale el lunar. Esto que sintio su madre, A la mar se fue a echar. No vós echéx la mi madre, Que yo so tu hijo caronal. Ya se bezan y se abrasan, Ya se van a paséar.