Paulin Nuotclà - Talking-gronda-cità-blues lyrics

Eu jeiv'üna jà tras 'na gronda cità La spüzza'm vê fat gnir mez amalà I d'eira sair'e paca glieud sün via Sper 'na pinta n'haja dit: „Quia Vegn'aint -- lain verer." Quaint d'eira chaud sco in ün fuorn Eu n'ha guardà intuorn ed intuorn Sch'aint illa tschiera nu füss üna foura I nu d'eir'ingün'ed eu sun i dret oura Pro la prüma sopcha suna sezzà jò Davant mai d'eir'üna maisa Ed intuorn quella -- che surpraisa! -- Jaccas verdas ün mantun E sün minchüna ün barlun Da chavês -- blonds, nairs e cotschens La chaista da musica pro il chantun Feiv'üna viera sco ün dragun Inchün sbrajiv'alch per inglais Eu n'ha inclet be duos pleds o trais: „Di a teis bap, di a ta mamma Noss'amur es enorm gronda yeah yeah!" Tuot dindet n'haja tschüf ün stumpel Quel a drett'ha dit: „Uei tü compel! Jò da ta lingu'est Jugoslav: Schon inandret, be ma**a brav." E lur'ha'l fat -- ün referat Sur da società e pövel bun E constituziun e revoluziun Mao, Lenin ed amo Davo trais uras Fidel Castrò E davo quatter -- ha'l cumanzà a sbatter Eu n'ha tut meis crom e sun parti Amo avant sco ch'el haja fini In cuorsa oura sül stradun Davant las roudas d'ün camiun E n'ha dudi d'ün pulizist Ch'eu si'ün saimpel -- comunist! Daspö quai ün tschert temp es uoss'pa**à E bler es stat dit e bler ha müdà Per pacas cha quel clavarun In unifuorma tschüff'amo raschun Ma i nu'm disturba gnanca zich Da nu stair dir grazi'ad ingün per esser rich