MR Production - Ghir Wladhoum / غير ولادهم lyrics

[الدخلة] يو.. سفيان حامة الجي 16 يا الباز 88 prod يا العود العلام و الحكّام [اللازمة](x2) غير غير غير غير ... غير ولادهم غير غير غير غير ... غير بيناتهم [المقطع الاول] السيّد عندو باباه قيادة ، حرس جمهوري ولّى داير كاريار عسّكري ، عقيد فـ لارمي السيّد وحدو كاسب ولاية ، مكتوبة عـ الدراري الجزاير ولّات وراثة ، شوف واش راو صاري عمرو ما قرى ما دخل للّيسي ، دخلوه پوليسي حاكم ديفيزيون في شاطوناف ، ولّى أوفيسي كي يلحق عليه الليل و يطيح مونك ، يخرج يڨريسي يراكيتي فـ لي يبيعوا الزطلة ، في وسط لي-سيتي من لهيه وليدو لاخر ضامنها ، يخدم ديواني داخلها غير تغماس و ماكلة ، رشوة عيناني فلپور تشوف شرات بالغمزة ، و الپافيست تاني يزيروا على لي ما يمدش التشيپة ، زكارة بالعاني شكون لي يبنوا ، شكون لي يعلّوا شكون لي يشروا ، شكون لي كسبوا شكون لي تاجروا ، شكون لي ترفهوا ولاد لي-مينيستر لي-جينيرو شكون يخدموا لڨرو ، و لي يصرفو لورو شكون لي يزيرو ، يحبو الدورو شكون لي ترفهوا وقت لي تيرو دراهمهم مخبيين جامي دارو [اللازمة](x2) غير غير غير غير ... غير ولادهم غير غير غير غير ... غير بيناتهم [المقطع الثاني] ليك ليا ... ليك ليا ، شغل دامة حاكمين الواد يلعبوها ناسيوناليست يحبو و يموتو على البلاد داير لادوبل ناسيوناليتي لوليدو غير ينزاد كاسبين هنا و لهيه لارجون فاسيل جايبينو غير بالرقاد حاكمين لڨرو و ديطاي ، كلش حسابات يبيعو و يشرو فالپرطمات ، و يطلعو في الفيلات قاسمين بيناتهم لي-پروجي ، و المارشيات كلش رجعوه پريفي ، دزاير تشرات "التبزنيس فالمرض و الدواوات ، سقسي "صيدال "و الـ أ.أس.أن.أس تاع بكري ، ولّات "سيفيتال بانيين قدام الپيسري ، لي-سونطر كومرسيال "يهربو فالعط ليطرونجي ، "سونافي" و "طوطال صحاب الشكارة فـ البلاد باينين ، غير بيناتهم ڨروپ متعاشرين راهم خلوي راهم عايشين ، راهم بونو يدوروا فالخشين ماكاش لامپو دراهمهم مخبيين ، راهم ڨوسطو يتڨوعرو عـ المسكين راهم ديارهم شاطو لي تيران و لي پيسين ، راكم تشوفو دراهمنا [اللازمة](x2) غير غير غير غير ... غير ولادهم غير غير غير غير ... غير بيناتهم [المقطع الثالث] بناتهم غير اللواني ، طونوبيل درني كري نوتار عندها كابيني ، أفوكا فپاركي طبيبة ديپلومي كيني ، و كلينيك پريفي تخرج تسهر لي-سامدي ، مع لي-زامي خوها معاها آكومباني ، خبطة بالويسكي L'ouverture d'esprit ، واحد فيهم مامجيني تپياشها ڨاع ماركنّي ، تقضي من پاري Air Algérie عندها أبونمون للاني ، ف شوف شوف ... زيد شوف ، غير ارواح تشوف التبلعيط تاع تندوف ، يجوزوك ذراع خروف يا ولدي كلش مخطوف ، كلش مكشوف الناس ساكتين من الخوف ، غير انا حاج كلوف [جسر](x3) غير بيناتهم ... غير لولادهم غير بيناتهم ... غير لنساهم [اللازمة](x2) غير غير غير غير ... غير ولادهم غير غير غير غير ... غير بيناتهم