Mou3ad Orage - عــلى رصيف الحــيـــاة lyrics

[المقطع الأول] هذي سنين من الحياة le combat continu Le pa**é le presentو منعرف وش مخبي le future أيام شهور و أعوام تحير كيفاه عدات وش لي درنا قل لي ماذا قدمنا للحياة فالصغر كنا نتمناو نكونوا كبار و كي كبرنا ولينا نقولوا كون حتى بقينا صغار لعمر قاعد يعدي يسابق فالريح مستحيل تحبس الزمن ليس لديك الوقت لتستريح ما خيرتش نكون من جيل طفولته دماء خايف يقتل من غير ذنب و مش فاهم وعلاه إكتشفنا بلي الدنيا هذه مش كيف les comic قادر الشر يغلب الخير خاطر الخير غابو ماليه كانت عينينا بريئة ،قلوبنا فيها البراءة الدنيا حلوة ما نعرفوش معنى المصلحة كبرنا و كبرت لهموم وكثرت لحسابات المخ تعب من تفاصيل هذي الحياة [اللازمة] على رصيف الحياة نبني أمانينا على رصيف الحياة نشدو أغانينا [المقطع الثاني] قرينا في مدرسة إسمها مدرسة الحياة و شافت عينينا وش ما قريناهش فالكتابات تخرج للمجتمع يبانلك واقع bisard تلقى حوايج تتعارض مع تربيتك تاع الدار صنعتنا الأيام ب le bonheur و les douleurs ب le bien ,le male , les défis و les erreurs Le malheur كي تشوف الناس كيفاه تغذر و لي كلا ملحك في دارك بسيف يعطيك فالظهر Tu perde la confience كي تتغدر في كل كوانة كي لي تآمنو يخونك من أول فرصة خيانة Des fois تكره لمعيشة تحس روحك في جحيم كي تُطعن من أقرب الأقربين نسكت نحكم في قلبي نتألم و ما نهدرش أنت دير فيهم الخير و هوما يتمناوك في نعش A force تولي مرودي قابل للصدمات و مشي ضعف إذا نهار شفتي في عينيا العبرات (الدموع) [اللازمة] على رصيف الحياة نبني أمانينا على رصيف الحياة نشدو أغانينا [المقطع الثالث] درنا فن jamais دينا عليه مقابل و ما نطيحش قدري لابغا ما نوصلش قابل قتلهم عندي مبدأ ضحكو عليا قالولي ما تروحش بعيد بهذي العقلية نبقا نحارب بالصوت مام وحدي في نص الظلام إذا صوتي مش تع حق نقطع خير les cordes vocales زدمنا فالمجهول و ما علابالناش وين الوجهة كي حصلنا بدعاوي الوالدين لقينا الخرجة مشينا فالعراء des km و رجعنا خايبين ثقة كبيرة في ربي علديك مازلنا صابرين مهما كانت الظروف جامي تبان ضعيف واقف و ما يرحموكش واين حتى كي طيح لا يعترفون بالمواهب لا الكفاءات لهنا الضغط يولد les dépressions nerveuses Malgré tout مازالني نكافح مازلني موجود طريق المجد jamais تلقاها مفروشة بالورود [اللازمة] على رصيف الحياة نبني أمانينا على رصيف الحياة نشدو أغانينا