Matoub Lounès - Zziyar lyrics

Taddart mi i tesla i lexbaṛ Ur tgin ara A-ten-an ad d-teddun zziyaṛ Kkan-d si mekka Nesla i lbarud s azaɣar Tiqwijt, lɣiḍa Llsan-d irkkwel iqendyaṛ Cebuḥat ɣef iqerra A-tt-an tewweḍ-d ṛṛuplan Anwi wi i d-tewwi Ad tileḍ d Berziden Si lketṛa n lɣaci Tsers-d mitin d amdan Cebbḥen-d irkwelli D lheǧǧaǧ wid i d-yezṛan Axxam n Ṛebbi Ad d-ttfeǧǧiǧen am lefnaṛ Lexwan deffir-sen Ttnadin lmunewweṛ a**-a i d-wwḍen Rriḥa n lmesk d lεembaṛ Ad t-zzuɣuren Seṛfen acḥal d ddinaṛ Uɣen-d ismawen Lemmer ḥṣiɣ ula d nekkini Yid-sen ad dduɣ Axxam deg i yezdeɣ Ṛebbi Bɣiɣ ad t-wεuɣ Ayen yakkw texdem temzi S-yinna ad t-id-mḥuɣ Γas akken lhiɣ zik-nni D lweqt ad beddleɣ Ma ar awḍeɣ lemqam n Nnbi Cciṭṭan ad t-reǧmeɣ Ur ttiliɣ d lεaṣi siwa ma yella cḍeɣ Lmalayek ad d-ddunt yid-i Ma ar a d-uɣaleɣ