Matoub Lounès - Igirru n lkif lyrics

Yemmekta-d wul-iw ayen akk iεeddan Iεemmer nnejm-iw ɣef tayri-w yefnan Ah ya leḥbab-iw d acu d iyi-d-yeggran Γas yurad yixef-iw leεyub fell-i ɣman Ala alala ǧǧet-t ad idewwer Igirru n lkif yes-s ad nesher Ireggel yiḍes yegguma ad d-yejbu Yenɣa-yi uduqes yerwi-yi beṭṭu Ul, taεzizt-ines amek ara tt-yettu Yettaf amwanes di ciṭ igirru Ur d-teqqim temẓi-w lǧehd-iw yekfa Ǧǧiɣ nnif-iw yettnusu i nnda Gar tezyiwin-iw ur heddreɣ ara Ma yecceḍ-d yiles-iw ad teqwu teḍsa Imeṭṭawen kfan lemḥayen rnant-d Tiregwa n wurfan ɣur-i nneflent-d Ihessek-iyi zzman yerwel fell-i lǧehd Ccmata yellan deg-i irgem-d Ah ya leεtab-iw udem-iw yessewḥac Ccbaḥa n temẓi-w tεedda deg uqerdac Σemmdeɣ ɣef yisem-iw yumes di Leεrac A tawaɣit-iw ad iyi-regmen warrac