Mani Matter - Bärnhard Matter, 1821-54 (Ahneforschig) lyrics

Für mi sälber mir z'erkläre Bin i mal mym Stammboum na Ha vo undre Zweige här e Chly die Nuss probiert z'verstah Wär da alles mir verwandt isch Han i gluegt, us Quelle gschöpft Numen Eine wo bekannt isch Worde git's: Dä hei si gchöpft! S'isch dr Gouner Bärnhard Matter Us em Aargou win ig o Wen o nid my Urgrossvatter Urgrossungglen allwäg scho Dä het da vor hundert Jahre Üsem Gschlächt e wäg bestimmt Win i jitz ersch ha erfahre Da** eim nüt meh wundernimmt Är het i sym Läbe gstole Was im isch id Finger cho Und was nid isch cho ga z'hole Het är gärn d'Müe uf sech gno Isch gar mängisch z'Nacht ydrunge Dür ne Hüenerstall, i ds Hus Und isch mit zwo gröikte Zungen Und zäh Gulddukate drus Drü- viermal het me ne gfange Het ne ds Gricht i ds Gfängnis gsteckt Aber är, s'isch nid lang gange Het e Fluchtwäg gäng usgheckt Die Diät vo Brot und Wa**er Het er ungärn zue sech gno Und het alls dra gsetzt für da** er In e bessri Peiz isch cho Das het müesse ds Gricht verdriesse Es het zletscht Befähl erla – Nid die Gfängnis besser z'bschliesse Nei, däm Schelm dr Chopf abzschla Ds halben Aargou isch cho gschoue Win es Schwärt dr oberscht Bitz Vo mym Vorfahr het abghoue Wi vom weichen Ei dr Spitz Drumm chan i nüt garantiere Was's us mir no alles git S'cha no mängs mit mir pa**iere Denn da spilt d'Vererbig mit Und we dir ds Gfüel heit dertdüre Chönn nech sicher nüt ebcho S'chunnt uf ds Mal en Unggle füre Wo dir nüt heit gwüsst dervo S'chunnt uf ds Mal en Unggle füre Wo dir nüt heit gwüsst dervo