Machete Crew - Emigraos lyrics

[Verse 1: MOMAK] Partian dae sas biddas pro chircare fortuna iffora In chirca de una opportunidade, unu crasa, una vida nova La**avan chin dispiachere cust' isula pro terras istranzas A isticchidura in naves prenos de isperanzias Moghiana in pare rucravan su mare Chin d'unu billette de solu andada et sa promissa de torrare Gai comente una mama cresche fizzos chin amore Sa Sardigna no s'irmentica de unu fizzu minore Viviant in povertade traballavant a dischissiu Ma s'issoro dignidade baliat cada sacrifissiu In d'unu locu isperdiu frittu chene sos affettos Postos a banda e bene cusserbaos in sos ammentos Bi viant mamentos, in ube su sole essiat a campu Ma s'abba de cussu chelu cando proghiat pariat prantu Comente una ischinzidda chi allughet unu mannu focu S'istoria de cussa zente appartenit a custu locu! [Verse 2: KINGAIE'] Ant connottu sos dolos de sa gana e sa povertade Chin malas annadas, e in sa notte s'iscuridade Cussos longos e frittos iberros de nibe e bentu Battire su recattu fit su solu pessamentu Pro tottu cussos pastores chi iuchiana unu masone Paschiana cufforma a sa leze antica ‘e sa cumone Zent'umile abituada die pro die a si la gherrare Mancari a bortas fit tosta, resessire a campare E babbu chi dae minore custa bida at connottu Comente atteros sardos est partiu la**ande tottu C'a su miseru balanzu chi intrabat dae sa campagna Non dabat sustentu in cuddos tempos de siccagna Sos fizzos de cust'isula ant sempere suffertu Chenze mai si pinnicare coment'unu arbore e chercu E custa est dedicada a tottu cussos emigraos Partios in terra anzena e chi mai prusu sun torraos! [Rit.] Su chi appo, chi tenzo e disizzo, est tottu inoche In custos ammentos e bisos, in custa boche Chi contat contos e istorias cantat poesias Chi sarbat anticas memorias pro sas zenias Tramudat su dolu e s'anneu in s'isperanzia E precat a sa gra**ia de deu pro s'abbundanzia Abbratzat sos coros in pena e iscuffortaos De sardos in terras anzenas… emigraos! [Verse 3: MOMAK] Istringo in manu una bezza fotografia de jaju meu Unu sordau emigrau ghirau gratzias a deus Chi'n sa mente torro in palas a sos contos chi mi contavat Sas poesias chi mi leghiat sas cantones chi mi cantavat Duos ocros de chera chi cubabana su dolu De chie est moghiu in cumpanzia ma est deppiu torrare solu In custa terra domo de tottu sos emigrantes In ziru pro su mundu ma chi'n su mantessi sambene [Verse 4: KINGAIE'] Duos ocros chi pranghene lagrimas de amargura Non resessin a cubare unu coro prenu ‘e tristura Chi no azzapat pasu e trazzat su pesu de custa bida In arziada dae trumentos e affanoso tribulada In cada locu ‘è su mundu nazione bidda o tzitade B'at un amicu corale b'at una sorre e unu frade Partios dae sa Sardigna sutta unu chelu iberrile La**ande una mama sola in dae nantis a su fochile! [Rit] Su chi appo, chi tenzo e disizzo, est tottu inoche In custos ammentos e bisos, in custa boche Chi contat contos e istorias cantat poesias Chi sarbat anticas memorias pro sas zenias Tramudat su dolu e s'anneu in s'isperanzia E precat a sa gra**ia de deu pro s'abbundanzia Abbratzat sos coros in pena e iscuffortaos De sardos in terras anzenas… emigraos!