m**m مـسـلـم - Mli Chemss 3lik Tghib ( ملي الشمس عليك تغيب ) lyrics

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا [المقطع الاول] خرجوني مقطن مالدار و الوالد ما فهم والو الوالدة تبعاني بالحفى و دموعها سالوا جوقة مجوقة كنو واحد شني كيقول فبالو الدري دالحومة مأسفين حيت عارفين سنين من عمري غيذبالوا سطفيت فالقارة كتناني و الدم فسناني كيوكلوا بيا لخليع على بنادم و يشفيو لي كواني كنشوف الضحكة فوجوه عدياني مانقدرشي نقول ماشي بالعاني حيت أنا لي خترت بلي الشيطان عماني سمحولي ، هي الكلمة لي جبرت فحلقي غلطت فحق الناس لي سمحوا فحقهم من أجل حقي خارج من حداهم و راسي حاني شلل لساني كنحس بالذنب حيت كيف ما كان قصدي كنت أناني غامرت براسي و نسيت بلي أنا ماشي ضراسي أنا ملك للناس لي تعتهم فوق راسي و قلبي ينزف و الدمعة حشمانة تسيل زهري تعسف و تسقى بدموع الويل [اللازمة] (X2) ملي الشمس عليك تغيب ملي الظن فغدة يخيب ملي دموع الويل عليك تسيل ما تنساشي ربي كبير ولي صبر يجني الخير حيت ماشي النهار من بعد الليل [المقطع الثاني] أنا عارف بلي حب الأم أعظم حب فالكون وخى يبكي عليا العالم دموعو بلا لون ما كانشي قصدي ، نخرج من تحت جناح الرضا يمكن حيت صافي كبرت و ما بقيتشي نردا يمكن حيت الوالد كان حديد و تصدى ولا حيت سيف الزمان الحافي تمضى ما قدرتشي نبقى غي كنشوف كان لازم نتحدى الظروف و مشيت فالكريمي وخى فينا المعروف و بديت كنبيع فالسم و عارف بلي كنبيع سنيني عارف بلي عيجي نهار النوبة عتجيني و كذبت عليك و فنيتي بغيتك ترتاح مليت نشوفك خارجة تدمر كل صباح الوالد كان حلمو يلحق غي شي سكنى بوبري طاحت صحتو و طاح فالركنة التقاعد جوج فرنك ما كافين حتى نالدوا قلي فهاذ الظروف الحياه شني تسوى؟ [اللازمة] (X2) [المقطع الثالث] الوالد ما ضربلي حساب حيت عارفني بنفسي و عارف كيفاش نجيب راسي و كيف ندوز حبسي و حيت الفقر ماشي راجل أنا اليومة آكل بين ايدين سيد القاضي و حكم لسانو قاتل نكذب عليك إذا قلتلك فكرت فلي عملتو حرام ولا حلال كنت كنفكر غير فالمال اللي ما عندك تسوى والخاطي غير قوال بغيت خوتي يقراو فأحسن المدارس بغيت نهار العيد يصبح كلشي جديد لابس بغيت ختي ما طيحشي فنياب الشمايت بغيت يما ما تخدمشي فديور الناس عييت من حياة الباديو و الضيق و القطرة مليت نشوف مول الدار كيغوت عالكرا "كرهت ينعتوني بالـ "البوفري" و " المسكين جبرت راسي وسط لحومة كنبيع الهروين [اللازمة] (X2)