Kato RC - Asbab - أسباب lyrics

[Intro] RC HipHop Records Kato beats #ana_RC [Verse 1: Godzee] تسمحيلي ..! انا هاخد من وقتك ثواني اسمي محمد علي كنت جوزك لو فاكراني على قد حالي .. ابن ناس وأعجبِك كنتي بالنسبالي هدية دلوقتي في حضن حد تاني أنا مش ندمان علشان حبي زلني يا كل ذكرى بينا ارحميني لأجل النبي نسيتِك! بس ساعات بشوفِك جنبي هنا بضحك في سري وأنا بقول المخرج عايز كده الحب زي اتنين رافضين اللُقىَ مابينهم 100 سبب يرجعوا برضوا اختاروا الشقا رخم! هيدوقك بس مراره لو دُقت جوه بحور أشواقه تتكوي بناره أختار من الألف واحد بس تكون مبسوط عيش ولا يهمك كله يزعل يطق يموت ماتفكرش بعدت ليه وإيه مابينكو حصل لو كان الحب بالعقل ماكانش القلب انكسر [Verse 2: Kazanova] كعابي واخدها لف اقابل ناس وافارق ناس -ونتشوق لناس وهما شقوهم كان لناس -تانيين راحايا دايره مبتوقفش طاحنه فينا سنين يا مفارق الخلايق بزياده الفراق مش دين وارجع واقول ايه السبب ده حال الناس له العجب واخدين فراقنا سكه بيفارقوها يقولو نصيب والعجيب في ان بقايا العشره فينا تسيب رحال داير ينادي يمكن يلقى ليه حبيب فين الاراضي عشان تساعي ترحال البشر فين البشر دول غجر كل يومين عاتبو النصيب ده غير من فارق غصب كات تحت التراب اراضيه متشوقين ياقبر ليوم سكن وياه في اراضيه وغير من كانت متوه وسط البرد الهدمه لفت صباعها دبله عشان ظروفي كات بتضيق فسيب .. الدنيا بيا تودي تجيب مطرح مرجلي ترسي مطرح ما يكون النصيب [Verse 3: Kaiser] كان نفسك يوم تعيش بتغرق وتقرب م القاع والوقت مش في صالحك ليه بغرق وانا مش طماع تعرف كام جوز جمعهم حب والنصيب فرقهم وكل عشم في الامل كان الحبل اللي شنقهم لما النور يكون ف اعتاب الابواب والضلمه اللي بتبلعك لما الليل يوجعك لما تروح ومالكش اللي يرجعك لما تكون تمثال من طين لا تضرك ولا تنفعك لما السكات يخدعك مهما تقول ولا بتسمعك وتدوب حبال الامل في ايدك وتصبح مخير مابين نارين وتروح علي فين مربوط بحبال امل كفيله تقسمك نصين وتداري التوهه مابين طيات الايام وزمان لما كانوا عايشين تختار يالحب يا الحياه والنصيب مابين الاتنين لو كان في امل العقل يحب لكان القلب حجر ان كان كتر التفكير جابلك تفسير ماكنش القضاء قدر تهرب من نفسك لهواجزك وتحاصرك الحيطان وتعيش علي جفا و امل صدفه تسوقك للتوهان [Verse 4: Snoop RC] تايه..! مش لاقى مرسى تريى عليه طعم الكلام فى كل مرة يمرر لما يعيدوا فيه عارفين انك تعبت وانك ياما كتير قدمت وان مراية الحب عامية فيبوخ منك طعم الشعر يا مرايا دارى اللى قتلته الظروف جوايا احفر فوف ورقهم وجعى فيرقص يعجبهم غنايا اضحك.. دارى الحمول دايما فى سكوتك لو يخرج سرك برة صدرك فا إعرف ان في سرك موتك لما الفاصل بين القبر والقصر سور واما بوسع الدنيا عليك شايل هم تبات مكسور جبر الخواطر حمل فوق القلب راقات من هم كفن حلمك بحبرك و ادفنه فى انبوبة القلم الامل كدبة .....والحب خانقه خيط نصيب ياتصيب .. ياتخيب.. والحياة مركب ومش بترسى لو فاكر الايام هتداوى والوجع بكرة هينساك لا..كف الحياة اخشن من انه يسيب عليك علامات