Karim ElGang - Fi firach elmout / في فراش الموت lyrics

[المقطع الأول] راني واحد من الشباب المُغَرّر بهم قلبي تْعبّى همّْ و مخّي لدُركا ما فْهَمْ باقي حايرْ ، راسي في حالة لدُركا ماني فاهم أنا مسلم ولاّ لاَ لاَ تعَقّدتْ من صغري دارتهالي المعلّمة تاع الشريعة في حقّي دارت جريمة نهار قرينا القمار حرام و المَيسر كيف كيف و عطاتنا مثال في اللوطو سبورتيف قلتلها : كورة + تاع القناة الوطنية قاتلي : أنعم ؟ قلتلها : يخّي حنايا دولة إسلاميّة؟ سكتت و قاتلي : اقرا و بَلَّعْ فمّكْ هذا موضوع كبير عليك كيفاه حايبني نفهمك؟ عاديكا كبرت موسوس من الشّي لي صاري من العالم ، الحكومة ، و من لاتيلي لي في داري عرفتها الدّنيا مخدوعة ، في طريق بليس مخدومة كي عُدت أنا معروف أكثر من الإمام تاع الحومة الدنيا راحت فيها : الأم تخون راجلها الولد يشارع باباه و البنت تضرب أمها الأم قتلت ولدها ، الولد اغتصب أختو باباهم راح هرب انتحر كره حياتو عدنا نعظموا القرآن مي نحكموا بالقانون نقدسوا الرسول و نستدلوا بأفلاطون عدنا نحبّوا ربّي بصّح نعصوه نكرهوا الشيطان بصّح نطيعوه عاد لي والا عاصي ، قلبو قاسي غير المآسي و الجهر بالمعاصي حفظنا الكلام تاع نانسي أكثر من آية الكرسي و نحبّوا صوت بيونسي أكثر من العفاسي في ليلة الدخلة العريّس يدخل بقرعة ويسكي العروس خايفة يفيق بالخيط كلش ماسكي عاديكا فالصّباح خمّم يديفورسي يا إمّا لقاها مشها فيارج ولاّ هو عجز جنسي الوالدين في دار العجزة و الذراري في الحضانة الحجاب عاد إرهاب و السترينج عاد حضارة قذارة دعارة تقليد أعمى بلا خسارة و قوم لوط عندهم وثيقة تاع حصانة انتهاك حرمة رمضان بلا كومبليكس الفجر يأذّن و لاخر داير فيلم سكس بنو قريظة و بنو قينقاع هكّا اتّفقوا عدنا نشوفوا الشيخ شمس الدّين غير باه نضحكوا الدنيا راحت فيها ما فهمنا والو رجال الصح زالوا ، بنات الفاميلية زالوا لي ديسكوتيك كثروا ، لولاد الكل يعمروا و المساجد غير بالجمعة باه يتعمروا عاد لي يضيق بيه الحال هاذ الزمان ما يشكيش للرحمن ، يعطيها بقرعة ديفان شباب بالع ، يجري ورا مستقبل ضايع و إسرافيل يحسب في الوقت بدل الضايع [اللازمة] في فراش الموت ... أمتنا شعلوا فيها ... نار الفتنة شعل نار الفتنة خليها شاعلة جَهّل شبيبتنا خلاها جاهلة [المقطع الثاني] نحكي عالإعلام العميل ، واش عَامَل في العَالَم مع العامّة يتعامل مع العلاّمة و العامِل يعيّن معلوزمات ، يعلّي عُمَل و علام يعمي عين العالَم و يعمل الرّأي العام و بيه بليس لْعَب بعقول العرب كيما حبّْ على حساب أجندة الدّجّال و أبا لهب عدنا ضحية أزمة نفسية عقائدية ما دام لي حرموا الإسلام حلال في الديمقراطية عايشين مبرمجين بالساتيليت من بعيد حاسبين رواحنا حرار و حنا بين يدهم عبيد يطلعونا ، يهبطونا ، في روسنا هبلونا بالقنوات غزونا و تحكمولنا في عقولنا عدنا نحبّوا الكرة أكثر من مكّة و الأقصى و عجال مباراة تاع الريال و البارصا قالك وقعت دبزة ، القتيلة الدم و البكى و ميسي ملهيه يدير في طقوس حائط المبكى عقول مُعتقَلة استيطان La mentalité Ta3 les Jeunes موسيقى تمجيد الشيطان هارد روك ولاّ ميتال ضربونا في العقيدة قريب آمنّا بلّي يوم الآخرة يعرفوه هوما خير منّأ واحد و عشرين ديسمبر ألفين و طناش كاميرا خفيّة ، العالم واش بيه ما فناش؟ من مبارك حسني لمرسي ، من مرسي للسّيسي من مصر لسوريا ضحايا مشروع إبليسي المسلم عاد مكروه يخون و يقتل في خوه فتنة شيعة / سنّة و حنا الحق نعرفوه بلّي كي عمر كي علي في زوز قالوا : أسلمنا واحد ما كان شيعة واحد ما كان سنّة قالوا كلمة واحدة ، قالوا : آمنّا بلّي ربّي واحد و النبي هو رسولنا حرب إعلامية عالمية علنية عملوا في قصّة سيدنا يوسف عملية مع العشق الممنوع ، المسلسل اللقيط هزوا نفس القصة و دارولها العكس النقيض و حنا عادي عدنا نشوفو في العشق الممنوع مهنّد يزني و حنا نبكوا عليه بالدموع ما عادش يهمنا كان فلسطين استقلّت Arabs got talent لي يهمنا شكون يربح في إليسا عاملة حالة الحفلات بلي ميليار و في الصومال بالجوع يموتوا دراري صغار شوف الفاتيكان و هذيك الحرمة و شوف خاوتنا لي راهم يموتوا في بورما باه تحج تخلّص الرياض بالريال و السعودي بالدولار يخلّص في مونتريال Welcome و جرّب خوبا زور الموقع بالمقلوب .كوم Illuminati أكتب : مشني حنحرّر فلسطين بالمقطع هذا بصّح نخلّي القضية في القلوب خالدة كشما نبدلوا الأفكار المُعتَقَدة و كشما نحرّوا العقول المُعتقَلَة عاديك ما يأثّر فيك لا إعلام لا تعليم لا كاتب لا عالم لا حاكم لا زعيم حتّى السياسة كذب و الأحزاب كلها تخرّف و الأحزاب لي نامن بيها في كتاب عمرو ما تحرّف [اللازمة]