Iva Zanicchi - 'Nu Quarto 'E Luna lyrics

Cielo, che nuvole stasera! Pare c' 'o munno se ne more, Ma 'na speranza pe' 'stu core Nun pò murì. Nun nce vò 'na luna chiena Pe' capì si mme vuò bbene, Mm'è abbastato 'o ppoco 'e luna Pe' te capì. Che mm'ha saputo fà 'stu quarto 'e luna! Che mm'ha saputo fà chi voglio bbene! E mme martella sempe 'nu penziero: "Nun è overo ca pienze sulo a me!" Comme sò triste 'e nnote 'e 'sta canzona! E comm'è amaro 'o bbene 'e chi vò bbene! Nun mme guardà si chiagno, nun guardà! Che mm'ha saputo fà 'stu quarto 'e luna! Chiagno pecché tu mm'hê 'ngannato E no pecché t'aggio perduto. Chiagno ca tu mm'hê abbandunato Senza pecché. Quanta vvote, anema mia, Faccio 'a strada ca tu faje, Corro appriesso a 'sta buscia Pe' te vedè. Che mm'ha saputo fà 'stu quarto 'e luna! Che mm'ha saputo fà chi voglio bbene! E mme martella sempe 'nu penziero: "Nun è overo ca pienze sulo a me!" Comme sò triste 'e nnote 'e 'sta canzona! E comm'è amaro 'o bbene 'e chi vò bbene! Nun mme guardà si chiagno, nun guardà! Che mm'ha saputo fà 'stu quarto 'e luna!