Guito'n - Da3choche دعشوش lyrics

[المقطع] شاد علينا سلاح ومتخبي في جبل تعلن في الجهاد و جاي تحب تحتل تحب ترهب الشعب يا مختل أهلا بيك وين بش تتعلق في حبل أهلا بيك في تونس أهلا بيك في الجحيم صحيح فقر أما محينا الجهل بالتعليم ما عناش برشا فلوس و معدات أما رجالنا تحاربكم حتى تريبولات عالقرحة تربينا مالصغرة ما نخافوش أربعة سنين على الثورة نباتوا على حس الكرتوش اسلامنا معتدل ، إسلامكم مغشوش تونس بش تكون مقبرتك يا دعشوش تغدر كي الضبع و تتخبى كي الفار عملنلكم قدر من سخرية الاقدار انتوما و قطر و فلوس البترودولار تونس تفسخكم ، خطرها بلاد احرار كان إنت غدار هاذيا بلاد رجال درابونا بش يبقى ديمة النجمة و الهلال إيماننا في القلب الحمد لله ماناش جهال مسلمين و نفرقوا بين حرام و حلال عمرنا ما نكونوا ذلال ألور بيناتنا الرصاص صحيح عندنا الفقر أما ماناش رخاص اين فوا تسترجل و تحارب راس راس شعب ما يديرلكم عمايل خايبة خلاص أخزرلي أون فاس شيطان فيك سكن اللطف يا ربي وجوه يوم إذٍ تغدر في بوليس يعلم ربي بحالتو شعب عليكم ناقم بمصليه و زطالتو ربي وحدو الأدرى بالكفر و الإيمان جاي تكفر فينا و إنت في راسك عريان اش تستنى من ثقافة من وراء الكثبان ارتاح تونس عمرها ما تولي تونستان تغدر يا جبان الدهر راهو طويل شاد علينا سلاح و مسيب إسرائيل تقتل في السياح بفلوس قطرائيل تضرب في الإقتصاد تحبوا الشعب قليل يحبوها فوضى لعبة ملعوبة و مخدومة يحبوا الشعب يهيج و يطيح الحكومة فراغ سياسي في البلاد يكبر الإنفلات تفجيرات في الأسواق موتا و اصابات اضرب الأمن و الجيش بحرب العصابات ايتاب بار ايتاب سيطر على المؤسسات شعب في رعب يبات ماعادش عندو بديل يا يموت يا يركع لعملاء إسرائيل داعش تزيد تتوسع تونس تولي فرع اذبح المسلمين بحجة تطبيق الشرع مجازر في البلاد خلايا نائمة تفيق تبييض الإرهاب من أمثال سكندر رقيق اقرا يا صديق كتاب أبو بكر ناجي إدارة التوحش يحبو الشعب يلاجي مخطط معروف أما فاشل و محروق خاطر الشعب ما يخاف كان من ربي إلي الفوق جايين بالتكفير يا زنديق يا مرتد ولي يقول كلمة الحق يقيموا عليه الحد تحتج و توصل صوت تتحكم بالموت في نظرهم الشعب كلو كافر و طاغوت يحبونا جهال و ونعيشوا في خوف عباد كونتر العلم أرجع للرفوف تذكر إبن المقفع إلي قصوه طروف طروف اسئل على إبن رشد اش عملولوا بفقه التقية يكذبوا كي يقولوا جايبها ديمقراطي يخاف لا يحلبولو دواعش في احزاب وراء كستيم متخبين حقيقتو تبان كي يوصل مرحلة التمكين حاشى الدين هاذومة عباد شوهوه سمع بالحوريات باع بلادو باع خوه شدو دوخوه راو كلاه الكبت دماغو إل سو تروف تحت كرشو بالضبط لازمو يشبع خبط و شوف شوف يفيق ديننا هو الإسلام و دينه هو التنوفيق ضعف وقت الضيق مخو ولا مغسول يشوف في جارو الإمام كيانو رسول