Dominik Jud - Versorget lyrics

[Verse 1: Leduc] Si isch zum letschte Mau züglet, ines höchs Huus, i oberscht Stock Me het nüt müesse mitnäh, s'isch aus im Estrich i ihrem Chopf Es steit scho lang dört und es sammlet sech dr Stoub Au di Gschichte, verpackt i Chischte, u vo dene isch keni me off Früecher het si aube nüt kennt Hüt kennt si niemer meh D'Schwöschter macht die Vorhäng uf Wenn ig se chume go gseh Und ig sägen aube nüt meh Wüus nüt meh z'säge git Nume no z'singe u ganz wiit hinge geit e Chischte uf fürne Ougeblick [Hook: Leduc] Si folgt kem Gspräch me, folgt nur no dere Melodie Vom Lied vo däm Meitschi mit däm Härz wo bschlossen isch gsy U däm Bueb, u däm Bueb, wo der Schlüssu het derzue S'isch aues i Ornig, aus het si Ornig u de geit d'Chischte wider zue (Aues versorget U si guet versorget) [Verse 2: Lo] Si isch zum letschte Mau züglet, ines höchs Huus, i oberscht Stock Me het nüt müesse mitnäh, s'isch aus im Estrich i ihrem Chopf Lug wie au di Chnöpf us de Naselümpe si verschwunde S'git ke Stock me wiiterobe - hie unde Früecher het me're nüt chönne vorha Hüt het si nüt meh vor U d'Schwöschter macht dr Vorhang uf "gsehsch das Vögeli im Boum?" U de sägi aube nüt meh Wüus nüt meh z'säge git Es git nume no z'singe u ganz wiit hinge geit e Chischte uf fürne Ougeblick [Hook: Leduc] Si folgt kem Gspräch me, folgt nur no dere Melodie Vom Lied vo däm Meitschi mit däm Härz wo bschlossen isch gsy U däm Bueb, u däm Bueb, wo der Schlüssu het derzue S'isch aues i Ornig, aus het si Ornig u de geit d'Chischte wider zue Aues versorget U si guet versorget Aues versorget U si guet versorget [Bridge: Leduc] Di Chopf isch e Dunkuchammere Säg ah was wosch du di chlammere? Säg ah was chasch di erinnere? Di Chischte si nummeriert Ooh, Dunkuchammere Säg ah was wosch du di chlammere? Säg ah was chasch di erinnere? Vilech blybt nur...