Cesare Saragat - Sa Vigilia De Santu Lorenzu lyrics

[Traduzione] In Seddori su noi de Austu in punt'e mesu notti arreppichendi is campanas de cresia a tottu gustu cument'e in di solenni, as'a intendi q'esti ca su pixi est arribau Chin attura dormiu foras piscau E non dexi, nè binti, nè coranta sunt is cuaddus de pixi chi si binti ma sunt centutrinta, cent'ottanta e sa genti esti a billa ca ddu scidi est nu mari sa dì, su Portaleddu de lissa, de sparedda, de mugheddu Beni insaras ca bisi su Seddoresu cun d'unu pixi chi parit unu pippiu portendi tira tira cussu pesu c*ntentu in coru su chi ch'at accudiu E in domu sa mulleri esti aspettendi e finzas is cardigas preparendi E un ateru ndi bisi po comperai: in diad'a bolli sette libbas solamenti. "È lastima su meri, a ddu segai - ddi nara su pixiaiu prontamenti -, tanti su chi è setti fai binti sa metadi arrustiu, s'atru ddu frinti" Po cussu in custa dì pozzu affirmai chi a chini pesa tardu est'obbligau senz'e duda nisciuna a digiunai ca su pixi in mes'ora esti spacciau Seddoresu senza lissa in custa dì? d'oli solu, bardau, mudu e pedì