BIC - Mèsi manman lyrics

Mwen grandi nan“pami diriti wòch goute grès” Manman m pa t gen ase pou l te ban m manje pou m te kite rès Mwen grandi nan mitan zanmi Mwen grandi san papa m Manman m te toujou di m si m pa al lekòl Sa m pran se pa m Mwen grandi nan mitan mank Mwen grandi nan mitan bank bòlèt M grandi nan legliz Manman m aprann mwen bay lakòlèt Li te toujou di m fòk mwen aprann fè zèv E se pa pou bèl zèb pou m mare chwal mwen bò falèz Mwen grandi avèk manman m donk mwen grandi avèk lanmou M grandi ak yon madanm ki sou 2 pyel depi douvanjou M grandi ak detèminasyon M grandi avèk diyite On tanperaman granmoun depi epòk pibète M grandi avèk esperans M grandi nan doulè M grandi san m pat gen twòp chans nan yon katye popilè Lekòl se pi gwo rezo m te pote nan sakado Manmman m se pi gwo trezò ke la vi a fè m kado Mèsi manman pou sa ou ye pou mwen Mèsi manman m nanpou tout sa m vin ye pou tèt mwen Mèsi manman pou sa ou ye pou mwen O wi wi wi Mèsi mèsi mèsi manman m nan Manman m se yon sòyèt men se fanm ki gen brenn Diyite l fèt an asye po tòti on rendenng Manman m son koutiryè ki pote 7 pitit sou do li Manman m se fanm ki bèl menm si l gen mak lavi sou po li Manman m s on imotèl Manman m se pechèdlatè Vye van lavi soufle sa pa sifi pou met do l atè Se pa yon entèlektyèl Manman m s on madan sara 57-2016 manman m s on lò 59 kara Manman m se yon tigrès Sa vle di l se pitit tig Manman m se yon nègrès Papa m rankontre l pelig Li tèlman sèvyab L ap sèvi moun ki nan vèy li Manman m renmen m anpil li rele m tèt sèkèy li Manman m s on moniman Manman m se denyè grenn nan Li pa yon po piman Hen hen se li ki grenn nan Manman m mache kontre lavi li pa chita tann Manman m s on piramid li pa kaptèn Anba kabann Manman m se yon modèl de reyisit M ap felisite l Manman m gen lanmou pou chak grenn pitit M ap plede site l Manman m pa gen machin men lavi pa janm pati kite l Manman m se yon egzanp pitit fi m yo ta dwe imite l Manman m se yon senfoni Manman m s on resital Manman m se pa moun isi se fanm plato santral Manman m travèse lavi san fè vye zafè Manman m kase bèk lavi Manman m se bèk fè Mèsi manman pou tout sa ou ye pou mwen Mèsi manman pou tout sa m vin ye poutèt mwen Mèsi manman pou sa ou ye pou mwen O wi wi wi Mèsi mèsi mèsi manman m nan.