Bap - Globus lyrics

Zwesche Täschenlampe, Nylonschnüre, Rum un Corned Beef, Hinger ner reichlich zojestöbbte Schauvitrineschief, Op ruudem Sockel, dä gleichzeitig och als Bleisteffspetzer deent, Uss buntem Blech, wovun zwei Drittel azur-blau. Zwei Äquatore, su dat mer Vertrautes manchmohl nit erkennt - anscheinend pa**e die zwei Hälften nit jenau: Ne winzje Globus, en nem Maßstab, für dä et fast kein Zahl mieh jitt, Stund su verloore un su övverflüssig römm, datte mir leid däät un ich daach: Für die paar Rupien nemmst en met. Ich kumm mir fast su vüür, Als möht ich mir ming Ohnmacht noch bewiese. Ich spille met dämm Globus he Roulette. Wo isch en och stoppe, Ich erwisch nur Paradiese, En dänne irgenden Bescheißerei affjeht. Irak, Iran, Afghanistan. He s Polen - sonderbar. Un he en dä Jejend, wo kein Name stonn, ess Nicaragua. Klar - Palästina fing ich nit he drop, Dofür zwei Vietnams, Als wöhr em Napalm-Füer do niemohls wer verbrannt. Wenn Ruut die Liebe, Gröön die Hoffnung, Wieso s Südafrika rut, Un wie zem Deufel kütt dann Gröön op Amiland? Ne Zentimeter vum Ural bess Pakistan ess leicht verbühlt, E bessje Färv westlich vun Indien s affjekratz. Villeich hätt schon ens einer Herrjott met dämm Tennisball jespillt, N hätt randaliert, weil dä ess einfach nit jeplatz. Ich fing kei Land, wo nit Jewalt, Habgier, Neid un Haß rejiert. Keins, wo der Minsch tatsächlich sing Lektion jeliert hätt. Mir kütt et vüür, als ob ihn nur noch Schein-bewahre intressiert, Obwohl dat jet ess, wat ich nit eez jetz kapiert, Als wöhr die letzte hundert Johr allein nit ussreichend pa**iert, Wovun, wemmer draan denk, et Bloot einem jefriert. Wat mich betriff: Ich lieje op Mauritius dösend en der Sonn Un kräät für t eezte jähn ein Tatsaach uss dem Senn. Äthiopien litt op halver Streck heher, die isch, Unfa**bar bequem - en veezehn Stund affjehook - sibbe vun doheim.