Črni Orko, beštija!
Ki će tebi na rep stat?
Ne znan s kud si, ni ne bin te znat,
ala puš' me da gren spat!
Z oštarije se tornat,
ću li doma ja rivat?
Liva noga livo gre,
desna ne baš poli nje.
Črni Orko, hudoba!
Škura noć je, pleše put.
Dok se lelan po zdolici,
ti se smiješ i tentaš,
aš se meni duplo vidi,
oči suze, obraz žut.
Ko se staneš na me, joh!
Ko ti ujden, kataloh!
Brižan san i rovinan,
zmazan, skidan i pijan.
Ako doma ja rivan,
žena će me hitit van.
Hoj ti, Orko, do mene,
zemi moju staru ća,
drito poli vranića!