LD MC - Lkari fi Serkadji (Le Dernier Titre) lyrics

[المقطع الوحيد] غلطوه طاح بـ'كريم ، لي فالحبس مقاجي من بكري يخلص البوقاطو بدراهمو فـ سركاجي يكري فرغ الجيب ما تدري بالاك جوج يكون كريم ارا حرشة بـ قهاوي باردين زكرو فوقهم 3 سنين متلعبش بالقانون و الدين ، اقرا حذرك يا ولدي سحبوه مخلخل الديق جاز حمار بلا ودنين في كوانة حكماتو لاكريز يحسب ياماتو بـ'لاكري ف الحيط غير بخط صغير بسيف ما جازو شهرين خالط لي كيفو كاريين بـ الغيض يجيفو كارهين يسمع الما يسيح من العين اليوم ماحس بالمقنين ...هذا قنط توفى .. هذاك يستنى القفة هذا طاح على كيف و لاخر حكموه كي نفها انت قصيتك قصة قرانا من قصيتك حصة قالهم نحكيلكم بصح مايتصلح الي تكسر مفهمتش الهم وين جاني صدقوني ماني جاني حشاوهالي و انا بريئ راجل نخدم عـ دراري سبتي غرني الفاني و القوت لي عندي ماكفاني مديون آلناس تسالني و هكا زماني لي كافاني مسرسب داقا داقا ماشي فـ طريق سالكا داقمي فخطي لاقا بالنية ماشي مراقة : ضرب النح و شافلي بصوت مرتاح و قالي هاي واشبيك مهموم فسرلي فرغ قلبك نسليه فرشت لي كان مخبي و لي كان حبو وصل ليه قالي : حسابك مصفيه بـ 10 حجر ، تهالا شفتهم تلفتلي الهدرة قالي : ولي غدة ان شاء الله رجعت للدار بقفة معمرة كل واحد جاجة محمرة فرحت الدراري و لمرة قالتلي نعاود الكرة الدنيا دهشتني مرة ، جامي سنيتها تصرى تلاقيتوغدوة من داك قاعدين و لغدا بالستاك قتلو قريتك مافهمتك عودلي واش كان قصدك قالي : بييا الخير جارو و الريح يجيب غبارو كي قلبك كان سقيم وجهك عطاني خبارو ساك فـ المساك غير تم كتابلي خمسة فـ الشاك سكنلي سلاك بعد ما كنت عايش فـ الشك آك تعرف خوك زوالي والو مايملك كيما جميع دزيري قلت اني هنا كاش ما يخصك شاف فييا و تبسم وكلي لعسل بسم حيرني مضيع جاجو و في جاج الناس يسمن في صاشي عطاني جرنان بطيب اللسان ركبلي لامان قالي : نآمنك آمانة وصلهالي لدار فلان رحت نبلغ بـ نيتي رافد الشي بين يدي كي وصلت وين لازم نديه كان دارها بييا الذيب طبطت تفتح الباب دخلت شفت تغلقو البيبان مرقت روطار بالفخة و لي كان مخبي بان فمطرح مطروح راجل مجروح فـقلبو تمسح فييا الموس كي فتحت الصاشي باش نقلبو لسق فييا الآتو و الحنوشة لسقيفة وصلو الفاهم يفهم فـ الحكاية مابقاش كلام نفصلو