Zweienhalv Zentner
Ziemlichfröhrentner
Stonn om Balkon
Vun Botzebändche
Bes Ungerhembsrändche
Hämmchepension
Bei Fuuss ene Daggel
Rheumatisch am waggele
Käut Ping Pong Ball
Sieh Fräuche dat weiland
Jekouf wood en Thailand
Poliert et Kristall
Es dat nit schön die Ääd die ahl Möhn
Wie se sich öm mich drieht
Dä janze Miss kann blieve wie hä es
Sulang mich he jeder süht
Zweienhalv Zentner
Ziemlichfröhrentner
Trecken sich ahn
Ens jrad op et Eckche
Für e Herrejedeckche
Mer lääf jo urban
Dä Daggel dä weiss
Dat sieh Herrche dobei es
Dröm weed laut jekläff
Un statt an ener Birke
Kack hä bei dä Türke
Direk vür't Jeschäff
Es dat nit schön die Ääd die ahl Möhn
Wie se sich öm mich drieht
Dä janze Miss kann blieve wie hä es
Sulang mich he jeder süht
Dä Daggel dä hechelt
Dat Fräuche dat lächelt
Hä läät sich jet hin
Däm Tierchen e Küssje
Sei muss jetz nohm Stüssje
Für Caesar un Gin
Wenn sei sich nit schick
Schick hä se zuröck
Zuröck op dä Strich
Zweienhalv Zentner
Ziemlichfröhrentner
Ruhen in sich
...
Dann weed hä wach
Mangels Krach
Sing Bud die es leer
Keiner es do
Wore söns wor
Nur om Disch e Kouvert
Hä riess et op
Met knallrudem Kopp
Dä Zeddel studiert
Do steht: Bye bye Schmock
Dinge Hungk litt em Wok
Schön en Gin mariniert
Es dat nit schön die Ääd die ahl Möhn
Wie se sich öm dich drieht
Dä janze Miss kann blieve wie hä es
Su lang mich he keiner süht