Stäänklore Naach
Dä Nohhall vum Daach
Klääf noch en mingem Ouch un Ohr
Baal es hä nur vorbei
Rouchzarte Luff
Denkbloos verpuff
Halv schwerelos halv mööd
Wunderbar blöd un frei
Wä stirv vür Moot
Wä lääf vun Angks
Jläuv keinem dä säät
He jeht et lands
Nemm mich beim Woot
Ich stonn zu dir
Mängelliste sin och nur Papier
Stäänklore Naach
Fään es dä Daach
Einfach unbunt un schön
Fa** schon obszön dobei
Saach mir wä stirv vür Moot
Wä lääf vun Angks
Jläuv keinem dä säät
Nur he jeht et lands
Fang bei mir ahn
Hüür bei dir op
Zwische Null un Unendlich
Pendelt dä Kopp
Stäänklore Naach
Dat Vürspill vum Daach
Krault mir dä Rügge janz leis
Un säät du weiss:
Et es Mai