sezzius a gir'e gir'e' sa forredda
cun sa famiglia inter'é su bixanu
donnia domu sa nott'e Paschixedda
billat a onori de Gesus Bambinu
Accanta accanta, in dd'una mesixedda
si bit un'ampudditta pren'e' binu
e a un'atra parti, prenu de nuxedda
si bit de attesu unu grandu cadinu
e mentris si consumit in su fogu
tenendi a pagu a pagu una cozzina
chi tot'e' fumu at prenu giai su logu
gioghendi a cavaliri, totus cuddus
ant sbuidau cadinu e carrafina
e si 'nci bessint a sa Miss'e puddas