سجل أنا جزائري و رقم بطاقتي مقعور
بلادي حاكمها سراق راه مداير على شعبي شيكور
صحابو قسموا لبلاد كل طرف بناو عليه سور
لي جينيرو يبيعوا فالدواء ، الزيت ، المحارق و البترول
سجل أنا جزائري و رئيس بلادي شيكور
صحيت في عشر سنين درتلنا بلاد فور
قاعد في نص سرارقة ، المينيستر ، الوالي و السيناتور
قسمتوا بيناتكم الملاير و عطيتوا للفلاح بقرة و تراكتور
هبلتوا لاجونيس و خليتوهم يجريو ورا الفيزا و الباسبور
ولادكم هربتوهم للماريكان و هملتوا ولاد الشعب في الجبال و البحور
سجل أنا جزائري و رقم بطاقتي مقعور
رايس نايم بالشعودة و الحروز و السحور
رايسنا مهبول كان هايم فلاسويس عشّى يخطب علينا كي الديكتاتور
راني شايف نهار يثور فيه شعبي المحقور
راني شايف نهار يغضب فيه شعبي المكسور
سجل أنا جزائري و رقم بطاقتي مقعور