Vulesse addeventare surricillo oi nennane'
Vulesse addeventare surricillo oi nennane'
Pe' le rusicare 'sti catene ca me strigneno le vene
Ca me fann' schiav'
Pe' le rusicare 'sti catene ca me strigneno le vene
Ca me fann' schiav'
Vulesse addeventare pesce spada oi nennane'
Vulesse addeventare pesce spada oi nennane'
Pe' putelle subbeto squartare tra lu funno de lu mare
'sti nemice nuöste
Pe' putelle subbeto squartare tra lu funno de lu mare
'sti nemice nuöste
Vulesse addeventare 'na palomma oi nennane'
Vulesse addeventare 'na palomma oi nennane'
Pe' putere libera vulare e 'nguacchiare 'sti divise
A tutt' 'e piemuntise
Pe' putere libera vulare e 'nguacchiare 'sti divise
A tutt' 'e piemuntise
Vulesse addeventare 'na tammorra oi nennane'
Vulesse addeventare 'na tammorra oi nennane'
Pe' scetare tutta chesta gente ca nunn' ha capito niente
E ce sta a guardà
Pe' scetare tutta chesta gente ca nunn' ha capito niente
E ce sta a guardà
Vulesse addeventare 'na bannera oi nennane'
Vulesse addeventare 'na bannera oi nennane'
Pe' dare 'nu colore a chesta guerra
Ch' ha da liberà 'sta terra
O ce fa murì
Pe' dare 'nu colore a chesta guerra
Ch' ha da liberà 'sta terra
O ce fa murì
Vulesse addeventare 'nu brigante oi nennane'
Vulesse addeventare 'nu brigante oi nennane'
Ca vo' sta' sulo a 'lla muntagna scura
Pe te fa sempe paura
Fin' a quanno more
Ca vo' sta' sulo a 'lla muntagna scura
Pe te fa sempe paura
Fin' a quanno more