E l'era tardi... l'era tardi in quella sera stracca
Che m'è venü el bisognn d'onn d'smila franc par quatar 'na tratta...
Domandar, mi gh'avei vergogna... domandar, mi su no a chi l'è...
Gh'era el Rino, l'è vera! El Rino... soldà insemma int'i bersagliée!
Ma l'era tardi, l'era tardi in quella sera stracca,
E distürbaa la gent, scüsa de poch, un laurar che el fiacca!
"La me scüsa, sciùra... gh'è el Rino? la ghe disa: gh'è el bersagliée!"
El vien giò d'i scal in camisa... mi sorridi; lü gnanca onn vers!
"Ciao, Rino: scüsa, el soo, l'è tardi, ma in questa sera stracca
Volevi salüdatt; ciamà i bei temp de la guerra vacca!
Quante sere senza morosa, quando andavom a ciapàà i ciùcch!
Si, ma... Rino; gh'è un'altra roba: ...và no via, Rino!... Ciao, Rino... ohé!..."
E me el savevi: l'era tardi per distürbaa la gent
Ciapaa, magari, a fà l'amor... la gent che la gh'ha i so impegni...
Si, ma emm faa anca la guerra insemma, sott'ai bomb, contra ai füsilad;
Val püssée che on desmila lira in saccoccia desmentegà...
Si, ma emm faa anca la guerra insemma, sott'ai bomb, contra ai füsilad;
Val püssée che on desmila lira in saccoccia desmentegà...