Su sinn se also uss die Kääls.
Luhr ens, ene Nejer hann se och dobei!
Luhr ens op dämm Panzer dä.
Wenn 't huh kütt, ess dä achzehn.
Dä hätt uns befreit!
Vüür dänne hann se uns j**arnt.
Wiesu hammer bloß ahn all dä Driss jejläuv?
Die Junge hann jet durchjemaat.
Vum Kan*l bess her ess wigg,
Wemmer durch Mine läuf.
Wo die herkumme ess jetz Naach.
Die schloofe jetz noch öm die Zick, jenseits vum Ozean.
Die hann Hühser, hüher als dä Dom,
Do läuf dä janzen Daach nur Jazz em Radio.
Et heiß, do wöhr jeder glisch,
Ejal, ob ärm oder risch - Amerika.
Un do kräät jeder sing Chance,
E Paradies vun 'nem Land - Amerika.
Nä, Amis he en uns'rer Strooß.
Jetz saach nit, du hätts et vun Ahnfang ahn gewoss.
"He Mister, hässte du Schokolaad?"
Die Kinder hann ihr Angs als eezte affjelaat
Un se ahnjeschwaad.
Wat jööv ich für en Lucky Strike!
Ich rauche nur noch Strüh sick 'ner Ewigkeit.
Wohl dämm, dä su 'ne Kreech j**ennt,
Denn dä kann Fraue hann für paar Nylonströmp.
Wo die herkumme hann se't joot,
Do woor kein einzije Stadt je vun 'ner Bomb bedroht.
Do drövve stonn all Hühser noch.
Do weed jeder satt, weed jede Meddaach wärm jekoch
Et heiß, do wöhr jeder glisch,
Ejal, ob ärm oder risch - Amerika.
Un do kräät jeder sing Chance,
E Paradies vun 'nem Land - Amerika.
Et heiß, do wöhr jeder glisch,
Ejal, ob ärm oder risch - Amerika.
Un do kräät jeder sing Chance,
E Paradies vun 'nem Land - Amerika.
Et heiß, do wöhr jeder glisch,
Ejal, ob ärm oder risch - Amerika.
Un do kräät jeder sing Chance,
E Paradies vun 'nem Land - Amerika.