Aziz Tertek El Beat - Hiwar lyrics

[المقطع الاول نبيل] احكيلي اسطنبول ، الحدود و اثينا احكيلي الغربة ، الزطول ، الباقي احنا خاطينا احكيلي حسابات الدنيا دومين احكيلي على الجديد احكيلي كاش نروح لوروب ب 22 ميل في الجيب احكيلي على الزهر قولو اني نسسنى في السكاني قولو مينداك في السطح نقابل النجوم فالعلالي احكيلي الصح في الصح كي تهدر ابدأ من التالي احكيلي على الحومة قلها خرجت راجل ماعندها ماتسالي [المقطع الثاني ايكوزيوم] احكيلي على الحومة نافيقاج كاش جديد فالدلالة احكيلي على اللي راح تهنى و اللي مازال يستنى الدالة احكيلي على لبابور اللي دا الغالي و دا معاه الغرام احكيلي على اللي طاح في الفيس عام مايسعاهش فالحرام احكيلي على البابيش تحلبوا ولا مازال عاشقين في التيكي ؟ مادام الدنيا دومين صاحبي اشكي روح احكي للحيط صاحبي قولو ظهرك واشراه حامل روح احكي ل الموسطاش قولو هنايا الشعب اللي هامل [المقطع الثالث نبيل] خاطينا التشويش احكيلي على وحدة عريانة كاش ... كاش بابيش كاش وحدة ريهانا احكيلي الحومة كاش بالون فالطريق كاشما درنا احكيلي التكحال مالبالكون مع الصغر شحال كبرنا احكيلي على لافااار صاحبي اعطيني لادراس احكيلي على نو فرار مازال حاصلين فلاقراس ؟ احكيلي واش صاري ، الخوروطو فلابراص احكيلي واش شفت صاحبي ارواح نخلصلك وحدة براص [المقطع الرابع ايكوزيوم] احكيلي على واش شفنا الحكاية تتعاود و مازال هذي مدة ماتلاقيناش صاحبي احكيلي على الجبال احكيلي على اللي يبقى فالواد من عند الحبيب واش خلاصوا الرجال ؟ احكيلي الوقت صعاب 2013 خلاصو الصحاب احكيلي على الحباب ، لاكليك ليك و الرجلة اللي تتباع احكيلي على الراب الديكليك و البهوم اللي تبع احكيلي الدنيا مسيد حفظت الميم قليل واش فهمت احكيلي على الحشوة صاحبي واش فهامة ولا ندمت ؟ [المقطع الخامس مشترك] قولهم نحبو البنين الكمية شايدة ايدينا الدمعة تحت العينين و القمرة شاهدة بينا قولهم درنا و درنا سنين قولهم هنا ملينا قلهم غلطنا و احنا مسلمين ان شاء الله ربي يهدينا قالولي احنا نحبوا الخلوي شعبي , هيب هوب , غناوي حنا تاع قعدات طرونكيل عام كومبلي رمضان راقد فالنهار عايش فالليل نبكوا على الزهر و الصحة صاحبي خلي الدمعة تسيل [اللازمة] قالولي واش من خير ؟ عمرنا ما سمعنا حسو قالولي روح مادامك صغير ، تاوعنا غير يعسوا قالولي واش من خير ؟ عمرنا ما سمعنا صوتو قالولي روح مادامك صغير ، حنا هنا رانا نموتوا [المقطع السادس مشترك] سايس نعرف قاع العفايس قلبي واسع و مغلوق فافاينوفا شكشك المسايس ادا حكمني العساس انقطع لساني درتها حبة حمرة في كاس يا طفلة غير انسايني تنساك الموت نغرق الهموم و انا ثاني ننسى نستخلوى بكاسيطة حسني و نتفكر زهري مع النساا زكارة نكارة نديها قاورية كونطرا عليك نسنى الدنيا دور و اللي فيا يولي فيك [المقطع السابع نبيل] قول قول , قول ياكلك سلملي على حفار القبور الله يثبت العقول قول يا ولد حكمتني الحمة القبيحة ربي يجيبلنا الشيفة عشر نين ذبيحة لافنير كليناه جيفة زيقة ايه زيقة لالا , بين الحانوت و الدلالة نافيقاج شعل جمراني ملحق الكالة روما ولا نتوما افتح بيبان الزهر كلاتنا الغمة فالحومة [المقطع الثامن ايكوزيوم] قول , واش نقدر نقول ؟ فوق واش قلت و واش قالوا احنا مع الصابرين نسناو ان شاء الله برك نالوا ماتساقسينيش واش كاين ؟ خاطر ماكان والوا نرابيو و نديروا ليزالبوم ياك فالرمل نبولو قول ان شاء الله كاش بيبان يتحلوا حنا حابين نروحوا ماشي ناويين نولوا عيينا و احنا نشوفو الدم و الدموع يسيلوا نبكيو عالحياة ماشي على الموت الموت حق و فيها قاع نسالو |اللازمة] قالولي واش من خير ؟ عمرنا ما سمعنا حسو قالولي روح مادامك صغير ، تاوعنا غير يعسوا قالولي واش من خير ؟ عمرنا ما سمعنا صوتو قالولي روح مادامك صغير ، هنا حنا رانا نموتوا [المقطع التاسع نبيل] خويا مهدي البلاد مخدوعة واش نقدر نقولك نطلب ربي يهدي انا مانعاون غير بالدعاء زوج وجوه يسواو الفين هادوك السبوعة نجري مور العط شغل زووفيل بوشاوي بوشانون نزلق من الحومة نطيح في قيوفيل مصغر يطير يدير ليزالطو خابط بالروش معيشة ان بي حلوة قاطو سكران طايح فالدروج [المقطع الأخير ايكوزيوم] زاقو المورال فالزيرو صاحبي اعطيني قارو خلص قهوة نشربها كليرو واش كاشما نديروا ؟ نطرطقوا افاار نطيروا ولا نريحوا هنايا نغيرو ؟ داروهم في وقت الغفلة هاذوك اللي عرفوا يسيروا مول النية مايربح كول مع الذيب و ابكي مع الراعي انا وريت القمر و الحمار غاس فصباعي كيما قالك نبيل صاحبي الدنيا دومين مالا سبع ل الرجال و صبع ل قاع لوخرين