Adaro - Wigen wagen lyrics

Sol ich disen sumer lanc Bekumbert sîn mit kinden, Sô waer ich vil lieber tôt. Des ist mir mîn fröide kranc, Sol ich niht zen linden Reigen. owê dirre nôt! Wigen wagen, gugen gagen, Wenne wil ez tagen? Minne, minne, traute minne, Swîz, ich wil dich wagen. Amme, nim daz kindelîn, Daz ez niht enweine, Alse liep als ich dir sî. Ringe mir die swaere mîn: Du maht mich aleine Mîner sorgen machen frî. Wigen wagen, gugen gagen, Wenne wil ez tagen? Minne minne, traute minne, Swîc, ich wil dich wagen.