Helmut Qualtinger - Waun s d a Bech host (Wenn du Pech hast) lyrics

Waun s d a Bech hosd Waun med a Rola med an Auto Met da Dramwei met da Baun Oda r en da Luft med an Flukzeig Wos ba**iad Daun is olawäu ana dabei Dea wos a Keawal drogt Med frischbrogte Himöschlissaln Waun s d a Bech hosd Und dabei bisd bei den Malea Und a dopözz Bech hosd Und umeschdesd Zwischn soo fü Benzin und Eisn Daun griaxt aa r ans A so a Schlissal So a goidans Fia an Himö De Retung Göö De is a schwoazza Fogl – Amoe gschwind Eftas owa wenecha Maunxmoe z launxaum Waun s d a Bech hosd Und dabei bisd bei den Malea Und waun s d a dopözz Bech hosd Und scho umeschdesd Zwischn soo fü Eisn und Benzin Befua de no dea schwoazze Fogl Unta seine Gloarofoamfligaln nimd Daun brauxt nua mea En s Gnobfloch greiffm One hii z schaun Met da linkn Haund! Do schdeggd s da scho drin Des Schlissal Des goidane Des frische Des do – Des wos da dea hamleche Hea Dea med n Kewal – wasd ee scho! Demoment faread hod