Haitham Nofal - Edrabha Sarma | إضربها صرمة lyrics

Published

0 164 0

Haitham Nofal - Edrabha Sarma | إضربها صرمة lyrics

دنيا مش مستاهلة تكونش من بقية اهلك ؟ دي رامية طوبتك بطحتك و لسه عاشقها ياهبل ؟ احضنها اكتر و اكتر شم ريحة عرقها وقعلها الباروكة و المكياج دنيا سكة و افضحها ف عين عشاقها علي الرغم من كده هتفضل انت و هو وانا عوامل مكملة لدايرة متقفلة ف لفة ساعة بتتخنق او لفة ذنب يدور ع الكل او كوكب منكم زهق لونكم بهت ولا الوان الدنيا اللي ضاربة سيبونا نموت بهدوء مش هنعرف نغيرها حفرت ف أرض الفشل مطلعليش غير عيشة تطهق إنزل يا محمد شوفلنا حد أمين يجي يصرفها يا نجيب ضرفها و نتفرج من شق الباب عل شمس بكرة و هي بتحرق جلد كل غبي يا نشعل ثورة تطول كل الرقاب و نسيب الأرض تلف لفي إوعاكي تهمدي [Chorus](x2) إضربها صرمة متولعش النور سيبها ضلمة نعمل أغاني ننتشي المزيكا بتصبرنا هتعمل خير تلاقي شر فمتعملش حاجة أضمن أنا مش راهب بوذي عشان ابيعلك وهم الكارما تضارب فكري بين طفل لسه ف دمي بيجري و عقلي الناضج جوا جسم مراهق بيشتتني أنا مين ف دول يادوب شخص نكرة مش هيطول ذكره علي الألسنة بمجرد إنه يموت معقولة الدنيا وصلت للدرجادي م الحقارة معقولة ف لحظة هبقي فعل ماضي بعد مضارع معقولة تفضل طول حياتك تجري لحفة موتك ؟ معقولة يا هبة ؟ ..إيه ده ،إيه اللي جابهم دوله؟ فا بقت بلدنا اللي كات م النيل هبة بتتباع ف صراع الأخير ملك و اللي يجيب التباع وأدي البتاع اللي كان عامل بتاع راح فين ؟ ياما قبله بتوع دلوقتي بين إيدين خلقتك و بتخلق و هتخلق غيرك مبتقفش الدنيا عند حد ، الدنيا عندي ماتش وأنا واقف بتفرج عليكوا مش بشجع حتي طول عمري كاره الكورة و كاره كل حاجة تافهة [Chorus](x4) إضربها صرمة متولعش النور سيبها ضلمة نعمل أغاني ننتشي المزيكا بتصبرنا هتعمل خير تلاقي شر فمتعملش حاجة أضمن أنا مش راهب بوذي عشان ابيعلك وهم الكارما إطار منظورك لل حياة إنعكاس فكر مغيب مطلوب مواصفات قياسية و انت غير مهيئ انك تكون مقاتل علي حلبة ارض الواقع تكسر تكتسح كل اللي يواجهك بشكل رادع صانع درع م الدوافع وسط واقع احتدم جندي غبي بيدافع وقت تنكيس العلم الزمن هو اللي خلاه ف عيوني و عيونك غبي يمكن ف زمن تاني مكنتش هبقي سودوي