Greis - Ferdinand II - No Pasaràn lyrics

[Intro: Greis] Ferdinand schiuderet sini Reis imene Brief Es isch Februar, Madrid, 1937 [Verse 2: Greis] Liebe Ungglen Isidor, faus di dä Brief erreicht I hoff es geit der guet u oh am Hof im Breiterain S tuet mer leid bini gange ohni Abschid ir Nacht Ha nid wöue das si di wäg mir verhaften und befragen, es isch Besser so, mir geits guet, mach der ke Sorge Bi am erschte Ougust ahcho in Barcelona Vier Jahr si ume sit der Berti nüm bi üs isch Und i bi uf Spanie gange um si Kampf wyterzfüehre Wüui das Land vom Faschismus i wott beschütze Und wüus niene so viu schöni Froue git wi bi de Sozialischte I weiss i hätt chönne blybe uf üsem Hof für immer Doch für jede Troum z'verdiene muesch oh nes Opfer bringe S geit nid nur drum das der Franco nid ds Land eroberet Bi däm Kampf geits ume Friden in ganz Europa We mirs nid schaffen üsi Frontene z'verteidige wird sech dä Chrieg ufem ganze Kontinänt usbreite Während üsi Regierige wyterhin dusse blybe bechöme d Frankischte Waffe vo Hitler und Mussolini Hei fasch ke Schüss meh doch wüsse für was mer vüreluegt Während di andere Panzer hei, aber ke Füür im Buuch Bi hie mit Dütsche, Franzosen und Kroate Imene Bataillon vor internationale Brigade Aui si cho, Briten, Amis und Pole Kämpfe für d Republik ar Syte vom spanische Volch Wyteri fouge, hie isch di ganzi Stadt vou Het sogar Lüt vo Schüpfe, Basu, Gänf u La Chaux-de-Fonds Der Bürgerchrieg wüetet scho über nes Jahr Und am Franco sini Söldnertruppe stöh vor der Stadt Si griffen ah im Norde bi Guadalajara Der ganz Tag fahre mit totegladene Chärre Stosse bis Hospital, doch löh se nid an is häre Verteidigung wird ghauten uf Höchi Universidad D Regierig flüchtet und si befähle der Rückzug Flugzüg bombe vom itaiänische Stützpunkt Flucht sig der einzig Plan Aber ds Volch blybt und schreit dür d Stadt „No pasaràn“ (No pasaràn, no pasaràn No pasaràn, no pasaràn) [Chorus: Greis] Dür aui Stra**e und Ga**en im ganze Land ertönt en einzige Ruef (No pasaràn) Wes hie pa**iert isch es müglech i jedem Land Widerstand blybt intakt (No pasaràn) Dür aui Stra**e und Ga**en im ganze Land ertönt en einzige Ruef (No pasaràn) Wes hie pa**iert isch es müglech i jedem Land Widerstand blybt intakt (No pasaràn) [Outro: Greis] Ja lieben Isidor, sit geschter sy si duss Madrid isch üs bis hinger de grossen Ysetor Im nächschte Brief verzeui de vo mim Härz Ha mi verliebt ine Revolutionärin